ଦୁର୍ଘଟଣାରେ ଚାଲିଗଲା ଯବାନଙ୍କ ଜୀବନ

ଗଞ୍ଜାମ : ମୃତ୍ୟୁ କେତେବେଳେ ଆସେ ତାହା କେହି ଜାଣନ୍ତନି । ତା’ର ଏକ ଉଦାହରଣ ଦେଖିବାକୁ ମିଳିଛି ଗଞ୍ଜାମ ଜିଲ୍ଲାରେ । ଦୁର୍ଘଟଣାର ଜଣେ ଯବାନଙ୍କ ମୃତ୍ୟୁ ହୋଇଛି । ମୃତ୍ୟୁର କିଛି ସମୟ ପୂର୍ବରୁ ସୋସିଆଲ ମିଡିଆରେ ରିଲ୍ସ କରୁଥିଲେ । ହେଲେ ଏକ ବସ ଦୁର୍ଘଟଣାରେ ତାଙ୍କର ମୃତ୍ୟୁ ହୋଇଯାଇଛି । ମୃତ ଯବାନ ଜଣଙ୍କ ହେଉଛନ୍ତି କୁଶରାବ ଗାଁର ୨୫ ବର୍ଷିୟ ଯୁବକ ଜିତେନ୍ଦ୍ର କୁମାର ପାଢି । ଆସ୍କା ଧରାକୋଟ ବାରଡାବିଲି ଠାରେ ଦୁର୍ଘଟଣାରେ ତାଙ୍କର ମୃତ୍ୟୁ ହୋଇଛି । ସେ ଦୁଇ ବର୍ଷ ହେବ ସୀମା ସୁରକ୍ଷା ବଳ ତଥା ବିଏସ୍ଏଫରେ ଥିଲେ । ପଞ୍ଜାବର ତାଙ୍କର ଡ୍ୟୁଟି ପଡିଥିଲା । ଗତ ୬ ତାରିଖରେ ଗାଁକୁ ଛୁଟିରେ ଆସିଥିଲେ ଜିତେନ୍ଦ୍ର । ଗତକାଲି ସେ ଆସିକାରୁ ସୋରଡା ଯାଉଥିବା ବେଳେ ସାଇ କ୍ରିଷ୍ଣା ନାମକ ଏକ ବସ ସହ ତାଙ୍କର ଧକ୍କା ହୋଇଥିଲା । ଆଉ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଯାଇଛି । ସବୁଠୁ ଦୁଖଃର କଥା ହେଉଛି ମୃତ୍ୟୁର କିଛି ସମୟ ପୂର୍ବରୁ ସେ ତାଙ୍କର ସୋଶିଆଲ ମିଡିଆ ଆକାଉଂଟରେ ରିଲ୍ସ କରି ପୋଷ୍ଟ କରିଥିଲେ । ଗାଡି ଚାଳନାରେ ଅସାବଧାନତା ଯୋଗୁ ଦୁର୍ଘଟଣା ଘଟିଥିବା କୁହାଯାଉଛି ।