ଦିନିକିଆ ସିରିଜ୍‌ରୁ ଜାଡ଼େଜା ବାଦ୍‌

ମୁମ୍ବାଇ : ଭାରତ ଓ ବାଂଲାଦେଶ ମଧ୍ୟରେ ହେବାକୁ ଥିବା ଦିନିକିଆ ସିରିଜ୍ ପୂର୍ବରୁ ଟିମ୍ ଇଣ୍ଡିଆକୁ ଏକ ବଡ଼ ଧକ୍କା ଲାଗିଛି । ଟିମ୍‌ର ଷ୍ଟାର୍ ଅଲ୍‌ରାଉଣ୍ଡର୍ ରବୀନ୍ଦ୍ର ଜାଡ଼େଜା ସିରିଜ୍‌ରୁ ବାଦ୍ ପଡ଼ିଛନ୍ତି । ବାଂଲାଦେଶ ସିରିଜ୍ ପାଇଁ ଘୋଷିତ ଭାରତୀୟ ଟିମ୍‌ରେ ଜାଡ଼େଜାଙ୍କୁ ସାମିଲ କରାଯାଇଥିଲା । ମାତ୍ର ଏବେ ସେ ଆହତ ସମସ୍ୟାରୁ ସମ୍ପୂର୍ଣ୍ଣ ଭାବେ ଠିକ୍ ହୋଇନାହାନ୍ତି, ତେଣୁ ସିରିଜ୍ ପାଇଁ ଉପଲବ୍ଧ ହୋଇପାରିବେ ନାହିଁ ବୋଲି କୁହାଯାଇଛି । ଟେଷ୍ଟ ସିରିଜ୍ ପାଇଁ ମଧ୍ୟ ଜଡ଼େଜା ମନୋନୀତ ହୋଇଥିଲେ । ମାତ୍ର ସେ ଟେଷ୍ଟ ସିରିଜ୍ ଖେଳିବେ କି ନାହିଁ ଏବେ ସ୍ପଷ୍ଟ ହୋଇନାହିଁ । ଅବଶ୍ୟ ଟେଷ୍ଟ୍ ସିରିଜ୍ ପରେ ହେବାକୁ ଥିବାରୁ ଏଥିପାଇଁ କିଛି ସମୟ ଅପେକ୍ଷା କରିବାକୁ ହେବ । ଅନ୍ୟପକ୍ଷରେ ତାଙ୍କ ପତ୍ନୀ ଗୁଜରାଟ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବାରୁ ଜାଡ଼େଝା ଏବେ ଏଥିରେ ବ୍ୟସ୍ତ ଅଛନ୍ତି ।