ନୂଆଦିଲ୍ଲୀ: ବିଶ୍ବ ବ୍ରହ୍ମାଣ୍ଡ, ସୌରଜଗତ, ଗ୍ରହ, ନକ୍ଷତ୍ରପୁଞ୍ଜ ଏବଂ ସର୍ବୋପରି ଧରିତ୍ରୀରେ ଜୀବସତ୍ତାର ଆରମ୍ଭ ବାବଦରେ ଜାଣିବା ପାଇଁ ମନରେ ଜାଗ୍ରତ ହୁଅ ଉତ୍କଣ୍ଠା । କିପରି ଏ ସୃଷ୍ଟିର ଆରମ୍ଭ ହେଲା, ମାନବର ଉତ୍ପତ୍ତି କେଉଁ ଆଧାରରେ ଏବଂ କେବେଠୁ ହୋଇଛି ତାକୁ ନେଇ ନାନା ତର୍କ ବିତର୍କ ହୁଏ । ହେଲେ ବିଜ୍ଞାନ ତର୍କଠୁ ବହୁ ଊର୍ଦ୍ଧ୍ବରେ । ପ୍ରତିଟି ବସ୍ତୁ ଓ ପଦାର୍ଥର ପରୀକ୍ଷା ନୀରିକ୍ଷା କରେ । ଆଉ ବୈଜ୍ଞାନିକଙ୍କ ଏହି ପରୀକ୍ଷଣ ପୃଥିବୀରେ ଜୀବସତ୍ତାର କାରଣ ବାବଦରେ ଏକ ରୋଚକ ତଥ୍ୟର ଖୁଲାସା କରିଛି । ବୈଜ୍ଞାନିକଙ୍କ କହିବା ଅନୁସାରେ ଏକ ପ୍ରଜାତିର ବ୍ୟାକ୍ଟେରିଆଙ୍କ କାରଣରୁ ପୃଥିବୀ ପୃଷ୍ଠରେ ମାନବ ସମାଜ ତିଷ୍ଟି ରହିଛି ।
ସବୁଠୁ ବଡ କଥା ହେଉଛି କି, ଏହି ଅନୁସନ୍ଧାନ କରିଛନ୍ତି ଭାରତୀୟ ବୈଜ୍ଞାନିକ । ବନାରସ୍ ହିନ୍ଦୁ ୟୁନିଭର୍ସିଟିର ବୈଜ୍ଞାନିକମାନେ ଏହି ରୋଚକ ତଥ୍ୟ ବାବଦରେ ଜାଣିବାକୁ ପାଇଛନ୍ତି । ସେମାନଙ୍କ କହିବା ଅନୁସାରେ ସାଇନୋବ୍ୟାକ୍ଟେରିଆ ପୃଥିବାର ଜୀବସତ୍ତା ଆରମ୍ଭର ଏକ ପ୍ରମୁଖ ଭୂମିକା ନିଭାଇଛନ୍ତି । ଏହି ବ୍ୟାକ୍ଟେରିଆ ପ୍ରାୟ 3 ବିଲିୟନ ବର୍ଷ ପୂର୍ବେ ବାୟୁମଣ୍ଡଳରେ ପ୍ରଥମେ ଅମ୍ଳଜାନ ଉତ୍ପାଦନ କରିଥିଲେ । ଆଦିମ ପୃଥିବୀରେ ଏହି ଜୀବମାନଙ୍କ ଦ୍ବାରା ଉତ୍ପାଦିତ ଅମ୍ଳଜାନ ଓଜୋନ୍ ସ୍ତର ସୃଷ୍ଟି କରିଥିଲା, ଯାହା ହାନିକାରକ ଅତିବାଇଗଣି ରଶ୍ମି ବିକିରଣରୁ ସୁରକ୍ଷା ଯୋଗାଇ ବର୍ତ୍ତମାନର ଜୀବନ ବିବର୍ତ୍ତନରେ ସାହାଯ୍ୟ କରୁଛି ।
କାର୍ବନ ଡାଇଅକ୍ସାଇଡ୍ ଦ୍ବାରା ବିଶ୍ବର ଜଳବାୟୁ ପରିବର୍ତ୍ତନର ପ୍ରଭାବକୁ ହ୍ରାସ କରିବା ପାଇଁ ଗ୍ରୀନହାଉସ୍ ଗ୍ୟାସ୍ ଧାରଣ କ୍ଷେତ୍ରରେ ସାଇନୋବ୍ୟାକ୍ଟେରିଆ ମଧ୍ୟ ସେମାନଙ୍କର ଉଲ୍ଲେଖନୀୟ ଦକ୍ଷତା ପ୍ରଦର୍ଶନ କରିଛନ୍ତି ଏବଂ ସାରା ବିଶ୍ୱରେ ଏହି ଉଦ୍ଦେଶ୍ୟରେ ପାଇଲଟ୍ ପ୍ଲାଣ୍ଟ ଗଠନ କରାଯାଉଛି । ବନାରସ ହିନ୍ଦୁ ବିଶ୍ୱବିଦ୍ୟାଳୟର ବନସ୍ପତି ବିଭାଗ ବିଜ୍ଞାନ ସଂସ୍ଥାନରେ କାର୍ଯ୍ୟ କରୁଥିବା ବୈଜ୍ଞାନିକମାନେ ଫଟୋ ଇଞ୍ଜିନିୟରିଂ ଏବଂ ଜେନେଟିକ୍ ଇଞ୍ଜିନିୟରିଂ କୌଶଳ ବ୍ୟବହାର କରି ସାଇନୋବ୍ୟାକ୍ଟେରିଆକୁ ଏପରି ଭାବରେ ବ୍ୟବହାର କରୁଛନ୍ତି ଯାହା ଦ୍ବାରା ଜୈବ ଇନ୍ଧନ ଏବଂ ମୂଲ୍ୟବାନ ଯୌଗିକ ଉତ୍ପାଦନ ଶିଳ୍ପ ପାଇଁ ଉତ୍ତମ ।
ଏହି ଅନୁସନ୍ଧାନକାରୀ ଟିମ୍ ମଧ୍ୟ ସମାନ ଜୀବକୁ ନୂତନ ଷ୍ଟ୍ରେନ୍ ବିକଶିତ କରିବା ପାଇଁ ଜେନେଟିକ୍ ଇଞ୍ଜିନିୟରିଂ କରିଛନ୍ତି ଯାହାକି ଲିପିଡସ୍, ଅଧିକ କାର୍ବୋହାଇଡ୍ରେଟ୍ ଏବଂ କମ୍ ପ୍ରୋଟିନ୍ ଉତ୍ପାଦନ କରିଥାଏ ଏବଂ ଏହାର ଉତ୍ତମ ଅବତରଣ, ସଂଗ୍ରହ ଦକ୍ଷତା ଥାଏ । ଜେନେଟିକ୍ ଇଞ୍ଜିନିୟରିଂ ସାଇନୋବ୍ୟାକ୍ଟେରିଆ ପାଇଁ ବନାରସ ହିନ୍ଦୁ ବିଶ୍ୱବିଦ୍ୟାଳୟ ଦ୍ୱାରା ଏକ ପେଟେଣ୍ଟ ମଧ୍ୟ ଦାଖଲ କରାଯାଇଛି ।
