ଇସ୍ରୋର ନୂଆ ଭବନ ଉଦ୍‌ଘାଟିତ

ଅହମ୍ମଦାବା : ଗୃହ ରାଜ୍ୟ ଗୁଜରାଟ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଏଠାରେ ଭାରତୀୟ ମହାକାଶ ଗବେଷଣା କେନ୍ଦ୍ର (ଇସ୍ରୋ)ର ନୂତନ ଭବନ ଉଦ୍‌ଘାଟନ କରିଛନ୍ତି । ଏହି ଅବସରରେ ପ୍ରଧାନମନ୍ତ୍ରୀ ମୋଦୀ କହିଥିଲେ, ଆଜି ୨୧ ଶତାବ୍ଦୀର ଆଧୁନିକ ଭାରତର ବିକାଶ ଯାତ୍ରାରେ ଆଉ ଏକ ଅଧ୍ୟାୟ ଯୋଡ଼ିହୋଇଛି । ଭାରତୀୟ ମହାକାଶ ଗବେଷଣା କେନ୍ଦ୍ରର ମୁଖ୍ୟାଳୟ ନିମନ୍ତେ ସମସ୍ତ ଦେଶବାସୀଙ୍କ ପକ୍ଷରୁ ବୈଜ୍ଞାନିକମାନଙ୍କ ବହୁତ ବହୁତ ବଧାଇ । ଏହା ପୂର୍ବରୁ ନବସାରୀ ଜିଲ୍ଲାରେ ପ୍ରଧାନମନ୍ତ୍ରୀ ୩,୦୫୦ କୋଟି ଟଙ୍କାର ବିକାଶ ପରିଯୋଜନାର ଉଦ୍‌ଘାଟନ ଓ ଶିଳାନ୍ୟାସ କରିଥିଲେ । ଏହା ମଧ୍ୟରେ ଏହି ଅଞ୍ଚଳରେ ଜଳଯୋଗାଣରେ ସୁଧାର ଆଣିବା ସହ ସହଜ ଜୀବନଯାପନ କେନ୍ଦ୍ରିତ ପରିଯୋଜନା ସାମିଲ । ଏହି ଅବସରରେ କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ ମଧ୍ୟ ଉପସ୍ଥିତ ଥିଲେ ।