ଜନବସତି ମୁଁହା ହେଉଛନ୍ତି ବନ୍ୟଜନ୍ତୁ ; ବଢିଚାଲିଛି ହାତୀ ଆତଙ୍କ

ଆସିକା : ବ୍ରହ୍ମପୁର ଆସିକା ରେଞ୍ଜର ଧରାକୋଟ ଓ ଷଡ଼ଙ୍ଗୀପଲ୍ଲୀରେ ହାତୀପଲ ପଶି ଆତଙ୍କ ଖେଳାଉଛନ୍ତି। ହାତୀପଲ ଗ୍ରାମ ଭିତରକୁ ପଶି ଘର ଦ୍ୱାରା ଭାଙ୍ଗିବା ସହ ଫସଲ ନଷ୍ଟ ମଧ୍ୟ କରିଦେଉଛନ୍ତି । ଫସଲ ନଷ୍ଟ ହେବାରୁ ଚାଷୀମାନଙ୍କ ଗୁଜୁରାଣ ମେଣ୍ଟିବାରେ ଅସୁବିଧା ହେଉଛି । ହାତୀପଲଙ୍କୁ ରୋକିବା ପାଇଁ ସନ୍ଧ୍ୟା ହେଲେ ବିଦ୍ୟୁତ କାଟ କରାଯାଉଛି। ଅନ୍ୟପକ୍ଷେ ହାତୀ ଯାଉଥିବା ରାସ୍ତାକୁ ନାକାବନ୍ଦୀ କରିବା ସହ ଲୋକଙ୍କୁ ଘରୁ ନ ବାହାରିବାକୁ କୁହାଯାଇଛି ।୧୨ ଜଣିଆ ହାତୀପଲ ଆତଙ୍କ ଖେଳାଇଛନ୍ତି। ଯାହାଫଳରେ ସ୍ଥାନୀୟ ବାସୀମାନେ ନାହିଁ ନଥିବା ଅସୁବିଧାର ସାମ୍ନା କରୁଛନ୍ତି । ହାତୀପଲଙ୍କ ଉପଦ୍ରବ ପାଇଁ ଘରୁ ବାହାରିବା ମୁସ୍କିଲ ହୋଇପଡିଛି ।