କୋଟିଆରେ ପୁଣି ଆନ୍ଧ୍ର ଅଧିକାରୀଙ୍କ ଅନୁପ୍ରବେଶ

କୋଟିଆ : କୋଟିଆରେ ଜାରି ରହିଛି ଆନ୍ଧ୍ର ଅଧିକାରୀଙ୍କ ଅନୁପ୍ରବେଶ। ଏନେଇ କୋଟିଆର ଧୁଳିପଦର,ଫାଟୁସିନେରୀ, ଫଗୁଣସେନେରୀ ,ଗଞ୍ଜେଇ ପଦର ଗ୍ରାମରେ ସ୍ବତନ୍ତ୍ର ଗ୍ରାମସଭା ଆୟୋଜନ କରାଯାଇଛି। ଆନ୍ଧ୍ରର ସାଲୁର ମଣ୍ଡଳ ପକ୍ଷରୁ ଆନ୍ଧ୍ର ଦ୍ବାରା ଗଠିତ ଗଞ୍ଜେଇପଦର ପଂଚାୟତର ଧୂଳିପଦର ସମେତ ୪ ଟି ଗାଁରେ ଗ୍ରାମସଭା କରାଯାଇଛି । ଏହି କାର୍ୟ୍ୟକ୍ରମରେ ଯୋଗଦେଇଥିଲେ ଆନ୍ଧ୍ର ଦ୍ବାରା ମନୋନୀତ ଗଞ୍ଜେଇପଦର ସରପଞ୍ଚ ଦିବାକର, ପୂର୍ବତନ ସରପଞ୍ଚ ବିଶୁ ଗେମେଲ ସମେତ ଏ ଏନେମ କାବିତା , ବିଦ୍ୟୁତ ବିଭାଗୀୟ ଅଧିକାରୀ ରାମକ୍ରିଷ୍ଣା ସମେତ ଏପିଓ ସାଲୁର, ଏବଂ ସିଆରପି କାନପୁରୀ ପ୍ରମୁଖ ଯୋଗଦେଇଥିଲେ । କାର୍ୟ୍ୟକ୍ରମରେ ସ୍ୱାସ୍ଥ୍ୟ ସେବା ଓ ବିଦ୍ୟୁତ ସେବା ଆନ୍ଧ୍ର ପକ୍ଷରୁ ଯୋଗାଇଦେବାକୁ ପ୍ରତିଶୃତି ଦେଇଥିବା ଜଣାପଡିଛି ।