ଭୁବନେଶ୍ୱର: ହକି ବିଶ୍ୱକପ-୨୦୨୩ ପାଇଁ ଘୋଷଣା ହୋଇଯାଇଛି ଭାରତୀୟ ଦଳ । ଦଳରେ ଓଡିଶାର ଦୁଇଜଣ ଖେଳାଳିଙ୍କୁ ସାମିଲ କରାଯାଇଛି । ଓଡିଶାର ଷ୍ଟାର ହକି ଖେଳାଳି ଅମିତ ରୋହିଦାସଙ୍କୁ ଉପଅଧିନାୟକ ପଦ ଦିଆଯାଇଥିବା ବେଳେ ସଞ୍ଜୀବ ନିଲମ ଖେସ୍ ମଧ୍ୟ ଦଳରେ ସାମିଲ ହୋଇଛନ୍ତି । ତେବେ ବିଶ୍ୱକପ ପାଇଁ ଟିମ ଇଣ୍ଡିଆର ଅଧିନାୟକ ଦାୟିତ୍ୱ ହରମନ ପ୍ରୀତ ସିଂହ ଉପରେ ନ୍ୟସ୍ତ ରହିଛି ।
ଜାନୁୟାରୀ ୧୩ ତାରିଖରୁ ରାଉରକେଲା ଏବଂ ଭୁବନେଶ୍ୱରରେ ମ୍ୟାଚ ଖେଳାଯିବ । ୧୩ ତାରିଖରେ ସ୍ପେନ ବିପକ୍ଷରୁ ଭାରତର ଅଭିଯାନ ଆରମ୍ଭ ହେବାକୁ ଥିବା ବେଳେ ଭାରତ ପୁଲ ଡି’ରେ ସ୍ଥାନ ପାଇଛି । ଭାରତ ସହିତ ଏହି ଗ୍ରୁପରେ ସ୍ପେନ, ଇଂଲଣ୍ଡ ଏବଂ ୱେଲ୍ସ ଟିମ ରହିଛି ।
