ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି କହିଛନ୍ତି ଯେ ରାହୁଲ ଦ୍ରାବିଡ଼ଙ୍କୁ କୋଚ୍ ଭାବେ ନିଯୁକ୍ତି ମିଳିବା ପରେ ସେ ଆଶ୍ଚର୍ଯ୍ୟ ହୋଇନାହାନ୍ତି । ନିକଟରେ ଏକ କାର୍ଯ୍ୟକ୍ରମରେ ଗାଙ୍ଗୁଲି କହିଥିଲେ ଯେ ବିସିସିଆଇ ଦ୍ରାବିଡ଼ଙ୍କ ନିୟୁକ୍ତିକୁ ନେଇ ସବୁବେଳେ ନିଶ୍ଚିତ ଥିଲା ଏବଂ ଦ୍ରାବିଡ଼ ମୁଖ୍ୟ ପ୍ରଶିକ୍ଷକ ପଦରେ ରହିବେ ବୋଲି ଦେଖି ସେ ଅତ୍ୟନ୍ତ ଖୁସି ହୋଇଛନ୍ତି । ତାଙ୍କ ତତ୍ତ୍ୱାବଧାନରେ ଭାରତୀୟ କ୍ରିକେଟ୍ ଦଳ ୨୦୨୩ କ୍ରିକେଟ୍ ବିଶ୍ୱକପରେ ଉପବିଜେତା ହୋଇଥିଲା ବେଳେ ୨୦୨୪ରେ ଟି-୨୦ ବିଶ୍ୱକପ୍ ସଫଳତାର ଶୀର୍ଷକୁ ନେଇଯିବ ବୋଲି ଗାଙ୍ଗୁଲି ଆଶାବ୍ୟକ୍ତ କରିଛନ୍ତି ।
ଭାରତୀୟ କ୍ରିକେଟ୍ ଦଳର ମୁଖ୍ୟ କୋଚ୍ ରାହୁଲ ଦ୍ରାବିଡ଼ଙ୍କ ଦ୍ୱିତୀୟ କାର୍ଯ୍ୟକାଳର ସଠିକ୍ ସମୟ ଏପର୍ଯ୍ୟନ୍ତ ଜଣାପଡ଼ିନଥିଲେ ମଧ୍ୟ ବିସିସିଆଇ ତାଙ୍କ ଚୁକ୍ତିକୁ ଅତିକମରେ ଟି-୨୦ ବିଶ୍ୱକପ୍ ପର୍ଯ୍ୟନ୍ତ ବୃଦ୍ଧି କରିଛି । ଗାଙ୍ଗୁଲିଙ୍କ ବିସିସିଆଇ କାର୍ଯ୍ୟକାଳରେ ହିଁ ଦ୍ରାବିଡ଼ ମୁଖ୍ୟ କୋଚ୍ ହୋଇଥିଲେ ଏବଂ ପୂର୍ବତନ ଭାରତୀୟ ବାମହାତୀ ଖେଳାଳି ନିଜ ସାଥୀ ଖେଳାଳିଙ୍କ ଚୁକ୍ତି ଅବଧି ବୃଦ୍ଧିକୁ ନେଇ ଖୁସି ଥିଲେ । ସେମାନେ ଦ୍ରାବିଡ଼ଙ୍କ ଉପରେ ଆସ୍ଥା ପ୍ରକଟ କରିଥିବାରୁ ମୁଁ ଆଶ୍ଚର୍ଯ୍ୟ ହେବି ନାହିଁ । ଯେତେବେଳେ ମୁଁ ବୋର୍ଡର ସଭାପତି ଥିଲି, ସେତେବେଳେ ଆମେ ତାଙ୍କୁ ଏହି କାମ କରିବା ପାଇଁ ରାଜି କରାଇଥିଲୁ ।
ଏବେ ତାଙ୍କ କାର୍ଯ୍ୟକାଳ ବଢ଼ିଥିବା ଦେଖି ମୁଁ ବହୁତ ଖୁସି । ସେ ଚାହାନ୍ତି କି ନାହିଁ, ତା’ ଉପରେ ନିର୍ଭର କରି ସବୁବେଳେ ଏମିତି ହେଉଥିଲା । ମୁଁ ତାଙ୍କୁ ଜୁନରେ ଆଉ ଏକ ବିଶ୍ୱକପ୍ ପାଇଁ ଶୁଭେଚ୍ଛା ଜଣାଉଛି । ଦିନିକିଆ ବିଶ୍ୱକପ୍ରେ ସେ ଖୁବ୍ ନିକଟତର ହୋଇଥିଲେ । ସେମାନେ ଏହାକୁ ଜିତିନଥିଲେ, କିନ୍ତୁ ସେମାନେ ଯେଭଳି ଖେଳିଥିଲେ ତାହା ସହିତ ସେମାନେ ବୋଧହୁଏ ପ୍ରତିଯୋଗିତାରେ ଶ୍ରେଷ୍ଠ ଦଳ ଥିଲେ । ତେଣୁ ସେ ୱେଷ୍ଟଇଣ୍ଡିଜରେ ବିଶ୍ୱକପ୍ ଖେଳିବା ପାଇଁ ଆଉ ସାତ ମାସ ସମୟ ପାଇଛନ୍ତି । ଆଶା କରୁଛି, ସେହି ସମୟରେ ସେ ଉପବିଜେତା ନୁହେଁ, ଜଣେ ଚାମ୍ପିୟନ ହେବେ ବୋଲି ଗାଙ୍ଗୁଲି କହିଛନ୍ତି ।
ଆଇସିସିର ଏକ ଗ୍ଲୋବାଲ୍ ଶୋ’ପିସରେ ଭାରତର ଟାଇଟଲ୍ ମରୁଡ଼ି ବିଷୟରେ ପଚରାଯିବାରୁ ଗାଙ୍ଗୁଲି କହିଥିଲେ, “ଆଶା କରୁଛି ଦିନେ ନା ଦିନେ ସେମାନେ ବ୍ରିଜ୍ ପାର ହେବେ”. ଅଧିନାୟକ ଭାବେ ମୁଁ ୨୦୦୩ ବିଶ୍ୱକପ୍ ଓ ୨୦୦୧ ଚାମ୍ପିଅନ୍ସ ଟ୍ରଫି ଫାଇନାଲ୍ ଖେଳି ସାରିଛି । ତେଣୁ ଫାଇନାଲ୍ କେମିତି ଜିତିବେ ତାହା କହିବାର ଅଧିକାର ମୋର ନାହିଁ । ମୁଁ କେବଳ ଗୋଟିଏ ବିଜୟ ହାସଲ କରିପାରିଥିଲି, ତାହା ମଧ୍ୟ ଶ୍ରୀଲଙ୍କା (୨୦୦୨ ଚାମ୍ପିଅନ୍ସ ଟ୍ରଫି) ସହ ଯୁଗ୍ମ ବିଜେତା ଭାବେ । ଅନ୍ତତଃ ସେମାନେ ଫାଇନାଲ୍ ଖେଳୁଛନ୍ତି ଓ ଟୁର୍ଣ୍ଣାମେଣ୍ଟରେ ଆଧିପତ୍ୟ ବିସ୍ତାର କରୁଛନ୍ତି । ଆଶା କରୁଛି ଦିନେ ନା ଦିନେ ସେମାନେ ଏହି ସେତୁ ପାର ହେବେ, ସେମାନଙ୍କ ଭାଗ୍ୟ ବଦଳିଯିବ । ଏଥିରେ କୌଣସି ରକେଟ ସାଇନ୍ସ ନାହିଁ ।
