ନୂଆଦିଲ୍ଲୀ: ପୂର୍ବ ଲାଦାଖରେ ଭାରତ-ଚୀନ ସୀମାରେ ଉପତ୍ତି ହୋଇଥିବା ସମସ୍ୟାର ସମାଧାନ ପାଇଁ ଜୁନ ୧୯ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସର୍ବଦଳୀୟ ବୈଠକ ଡାକିଛନ୍ତି । ତେବେ ଭାରତ-ଚୀନ ସାଂପ୍ରତିକ ସ୍ଥିତିକୁ ନେଇ ବୈଠକ ଡାକିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭାରତ-ଚୀନ ସୀମା ଅଂଚଳରେ ଉପୁଜିଥିବା ସ୍ଥିତି ଉପରେ ଆଲୋଚନା କରିବା ପାଇଁ ୧୯ ତାରିଖ ସନ୍ଧ୍ୟା ୫ଟାରେ ସର୍ବଦଳୀୟ ବୈଠକ ଡାକିଛନ୍ତି । ଭର୍ଚୁଆଲ ବୈଠକରେ ବିଭିନ୍ନ ରାଜନୈତିକ ଦଳର ସଭାପତି ଯୋଗଦେବାର କାର୍ଯ୍ୟକ୍ରମ ରହିଛି । ତେବେ ପୂର୍ବ ଲାଦାଖରେ ସୋମବାର ରାତିରେ ଚୀନର ପିପୁଲ୍ସ ଲିବରେସନ ଆର୍ମି ଏବଂ ଭାରତୀୟ ସେନା ମଧ୍ୟରେ ଗୁଳି ବିନିମୟ ହୋଇଥିଲା । ଫଳରେ ୨୦ ଜଣ ଯବନା ସହିଦ ହୋଇଥିଲେ । ଅନ୍ୟପଟେ ଚୀନର ବି ଅନେକ ସୈନିକ ମୃତ୍ୟୁବରଣ କରିଥିଲେ ।
ଏହାପରେ ବିଭିନ୍ନ ରାଜନୌତିକ ଦଳ ପିଏମ ମୋଦିଙ୍କୁ ଅନେକ ପ୍ରଶ୍ନ କରିଛନ୍ତି । କଂଗ୍ରେସ ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ କହିଥିଲେ ଯେ, ‘ଆମ ସୈନିକଙ୍କୁ ମାରିବା ପାଇଁ ଚୀନ ସାହସ କଲା କେମିତି’ ? ମୋଦିଙ୍କ ନିରବତା ଉପରେ ବି ରାହୁଲ ଟ୍ୱିଟ ମାଧ୍ୟମରେ ପ୍ରଶ୍ନ ଉଠାଇଥିଲେ । ସେ କହିଥିଲେ ‘ପିଏମ କଣ ପାଇଁ ନିରବ ଅଛନ୍ତି ? ଏବେ ବହୁତ ହୋଇଗଲା । ଆମେ ଜାଣିବାକୁ ଚାହୁଁଛୁ ଏ ସବୁ କଣ ହେଉଛି ? ଆମ ଯବାନଙ୍କୁ ଚୀନ ମାରିବା ପାଇଁ ସାହସ କେମିତି କଲା ? ଆଉ ଆମ ସ୍ଥାନକୁ କବଜା କରିବାକୁ ଚୀନ କେମିତି ସାହସ କଲା’ ବୋଲି ସେ ପ୍ରଶ୍ନ କରିଥିଲେ ।
ଲାଦଖରେ ୨୦ ଯବାନ ଶହୀଦ ହେବା ପରେ ସର୍ବଦଳୀୟ ବୈଠକ ଡାକିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
