ଭାରତରେ ଖଲିସ୍ତାନୀ ସମର୍ଥକଙ୍କ ଟ୍ୱିଟର୍ ଆକାଉଣ୍ଟ୍ ବ୍ଲକ୍‌

ନୂଆଦିଲ୍ଲୀ : ଭାରତରେ ଖଲିସ୍ତାନୀ ସମର୍ଥକଙ୍କ ଟ୍ୱିଟର୍ ଆକାଉଣ୍ଟ୍ ବ୍ଲକ୍ କରାଯାଇଛି । ଏହା ମଧ୍ୟରେ କାନାଡ଼ାର ନ୍ୟୁ ଡେମୋକ୍ରାଟିକ୍ ପାର୍ଟି ନେତା ଜଗମିତ ସିଂହଙ୍କ ଆକାଉଣ୍ଟ୍ ମଧ୍ୟ ସାମିଲ । ସେହିପରି କାନାଡାର କବିୟିତ୍ରୀ ରୂପୀ କୌର୍‌, ଭଲ୍ୟୁଣ୍ଟାରୀ ଅର୍ଗାନାଇଜେସନ୍ ୟୁନାଇଟେଡ୍ ସିଖ୍ ଏବଂ କାନାଡାସ୍ଥିତ ଆକ୍ଟିଭିଷ୍ଟ୍ ଗୁରଦୀପ୍ ସିଂହ ସହୋତାଙ୍କ ଟ୍ୱିଟର୍ ଆକାଉଣ୍ଟ୍‌କୁ ମଧ୍ୟ ଭାରତରେ ବ୍ଲକ୍ କରାଯାଇଛି । ଖଲିସ୍ତାନୀ ସମର୍ଥ ଅମୃତପାଲ ସିଂହ ବିରୋଧରେ ଚାଲିଥିବା କାର୍ଯ୍ୟାନୁଷ୍ଠାନ ମଧ୍ୟରେ ଟ୍ୱିଟର୍ ଏହି ପଦକ୍ଷେପ ନେଇଛି ।