ପାଟଣା: ପୁଣି ସାପ କାମୁଡାରେ ଜଣେ ଛାତ୍ରୀଙ୍କ ମୃତ୍ୟୁ। ବୁଧବାର ଏକ ମେସ୍ରେ ଜଣେ ଛାତ୍ରୀଙ୍କୁ ସାପ କାମୁଡ଼ିବା ଯୋଗୁଁ ତାଙ୍କର ମୃତ୍ୟୁ ହୋଇଛି। ଏଭଳି ଘଟଣା ଘଟିଛି ପାଟଣା ସ୍ଥିତ ଲକ୍ଷ୍ମୀପ୍ରିୟା ମେସ୍ରେ। ଛାତ୍ରୀଙ୍କ ପରିଚୟ ଜଣା ପଡ଼ିଛି। ସେ ବଡ଼ପଶି ଗ୍ରାମର ସ୍ୱପ୍ନା ଲୋହାର।
ତେବେ ପ୍ରଥମେ ତାଙ୍କୁ ଗୁରୁତର ଅବସ୍ଥାନରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯଇଥିଲା। ଯେଉଁଠାରେ ଚିକିତ୍ସାଧୀନ ଅବସ୍ଥାରେ ଛାତ୍ରୀଙ୍କ ମୃତ୍ୟୁ ମୃତ୍ୟୁ ହୋଇଛି। ମୃତ ଛାତ୍ରୀ ମେସ୍ରେ ରହି ପାଟଣା କଲେଜରେ ଯୁକ୍ତ ଦୁଇ ବିଜ୍ଞାନରେ ପଢୁଥିଲେ। ମେସ୍ରେ ଚଟାଣରେ ଶୋଇଥିବା ସମୟରେ କାମୁଡ଼ିଥିଲା ସାପ l
ସୂଚନାଥାଉକି, ଗତ ରବିବାର କେନ୍ଦୁଝର ଜିଲ୍ଲା ପାଟଣା ବାରିଆ ଥାନା ନିଶ୍ଚିନ୍ତପୁର ଗାଁରେ ମଧ୍ୟ ଏଭଳି ଏକ ଘଟଣା ଘଟିଥିଲା। ଏଠାରେ ସାପ କାମୁଡ଼ାରେ ୩ ଛାତ୍ରଛାତ୍ରୀଙ୍କ ମୃତ୍ୟୁ ହୋଇଥିଲା। ମୃତକଙ୍କ ମଧ୍ୟରେ ଦୁଇ ଛାତ୍ରୀ ଥିଲେ। ଏମାନେ ଗାଁରେ ଥିବା ଏକ ଘରୋଇ କୋଚିଂ ସେଣ୍ଟରରେ ବିଳମ୍ବିତ ରାତିରେ ଶୋଇଥିବା ସମୟରେ କାମୁଡ଼ିଥିଲା ବିଷଧର ସାପ। ଯାହାଫଳରେ ୩ ଛାତ୍ରଛାତ୍ରୀଙ୍କ ମୃତ୍ୟୁ ହୋଇଥିଲା।
