ଖାଦ୍ୟ ଖାଇବା କେବଳ ଶରୀରକୁ ଠିକ ରଖେ ତାହା ନୁହେଁ ବରଂ ଏହା ଦ୍ୱାରା ମୁଡ ବି ଠିକ ରହିଥାଏ । ସାଧାରଣତଃ ଲୋକମାନେ ବ୍ରେକଫାଷ୍ଟ, ଲଞ୍ଚ, ସନ୍ଧ୍ୟାରେ କିଛି ସ୍ନାକ୍ସ ଏବଂ ଡିନର କରିଥାନ୍ତି । କିନ୍ତୁ କିଛି ଲୋକ ଏପରି ଅଛନ୍ତି ଯେଉଁମାନେ ଏତେ ଭୋକିଲା ଅନୁଭବ କରନ୍ତି ଯେ ସେମାନେ ଦିନରେ ଅନେକ ଥର ଖାଦ୍ୟ ଖାଆନ୍ତି । ତେବେ ଆପଣ ଖାଦ୍ୟ ଖାଇବା ପରେ ଆଉ କିଛି ଖାଇବାକୁ ଇଚ୍ଛା କରୁଛନ୍ତି କି? ଯଦି ଏହା ଆପଣଙ୍କ ସହିତ ଘଟୁଛି, ତେବେ ଏହାକୁ ଗମ୍ଭୀରତାର ସହ ନିଅନ୍ତୁ ଏବଂ ତୁରନ୍ତ ଡାକ୍ତରଙ୍କ ସହ ପରାମର୍ଶ କରନ୍ତୁ । କାରଣ ଅତ୍ୟଧିକ ଭୋକ ଲାଗିବା କୌଣସି ରୋଗର ଆରମ୍ଭ ଲକ୍ଷଣ ହୋଇପାରେ । ତେବେ ଜଣେ ବ୍ୟକ୍ତି କାହିଁକି ବାରମ୍ବାର ଭୋକ ଅନୁଭବ କରେ ଆସନ୍ତୁ ଜାଣିବା ।
ବ୍ୟୁରୋ : ଯଦି ଆପଣ ଅଧିକ ଶାରୀରିକ କାର୍ଯ୍ୟ କରନ୍ତି, ତେବେ ଆପଣଙ୍କୁ ସବୁବେଳେ ଭୋକ ଲାଗିବ । କିନ୍ତୁ ଯଦି ଆପଣ କୌଣସି ପ୍ରକାରର ଶାରୀରିକ କାର୍ଯ୍ୟ କରନ୍ତି ନାହିଁ, ତଥାପି ଆପଣ ବାରମ୍ବାର ଭୋକିଲା ଅନୁଭବ କରୁଛନ୍ତି, ତେବେ ଏହା ଚିନ୍ତାର ବିଷୟ ହୋଇପାରେ । ଅତ୍ୟଧିକ ଭୋକର କାରଣ ହେଉଛି ମଧୁମେହ ବା ଡାଇବେଟିଜ । ଡାଇବେଟିଜ ରୋଗୀମାନେ ଖାଦ୍ୟ ଖାଇବା ପରେ ମଧ୍ୟ ସେମାନଙ୍କୁ ଶୀଘ୍ର ଭୋକ ଲାଗିଥାଏ । କାରଣ ସେମାନଙ୍କ ଶରୀର ଯଥେଷ୍ଟ ଇନସୁଲିନ୍ ତିଆରି କରେ ନାହିଁ । ଡାଇବେଟିଜ ଏକ ବିନା ଚିକିତ୍ସା ଯୁକ୍ତ ରୋଗ ହୋଇପାରେ, କିନ୍ତୁ ଯଦି ନିର୍ଦ୍ଦିଷ୍ଟ ଉପାୟରେ ଖାଦ୍ୟ ଖାଆନ୍ତି, ତେବେ ଏହି ରୋଗକୁ ନିୟନ୍ତ୍ରଣ କରିବା ସହଜ ହୋଇଯାଏ ।
ଥାଇରଏଡ ଅସନ୍ତୁଳନ ହେବା ପରେ ମଧ୍ୟ ଆପଣ ଅଧିକ ଭୋକିଲା ଅନୁଭବ କରିପାରନ୍ତି । ଥାଇରଏଡରେ ଭୋକ ତ ନିଶ୍ଚିତ ଲାଗିଥାଏ, ଓଜନ ମଧ୍ୟ ଦ୍ରୁତ ଗତିରେ ବଢ଼ିବାରେ ଲାଗେ । କିଛି ଲୋକଙ୍କ ମୁହଁରେ କେଶ ମଧ୍ୟ ଦେଖାଯିବା ଆରମ୍ଭ କରେ । ତେଣୁ ଭୋକ ଲାଗିବାର ଏହା ମଧ୍ୟ ଏକ କାରଣ ହୋଇପାରେ ।
ବର୍ତ୍ତମାନ ସମୟରେ ବହୁ ସଂଖ୍ୟକ ଲୋକ ଡିପ୍ରେସନ ଏବଂ ଷ୍ଟ୍ରେସର ସମ୍ମୁଖୀନ ହେଉଛନ୍ତି । ଅତ୍ୟଧିକ ଭୋକର ସମସ୍ୟା ଷ୍ଟ୍ରେସ ଏବଂ ଡିପ୍ରେସନରେ ମଧ୍ୟ ଦେଖାଯାଏ । ଭୋକ ଅଧିକ ଲାଗୁଥିବାରୁ ଅନେକ ଥର ଲୋକମାନେ ଅଜାଣତରେ ଆବଶ୍ୟକତାଠାରୁ ଅଧିକ ଖାଦ୍ୟ ଖାଆନ୍ତି, ଯେଉଁ କାରଣରୁ ସେମାନେ ଅନେକ ସମସ୍ୟାରେ ପଡ଼ିଥାନ୍ତି ଏବଂ ଓଜନ ବଢ଼ିବାର ଆଶଙ୍କା ମଧ୍ୟ ରହିଥାଏ ।
