‘ଆଇ ଲଭ ମାହି’

ପୁଣେ: ଆଇପିଏଲ ରେ ପୁଣି ଥରେ ଚେନ୍ନାଇ ସୁପର କିଙ୍ଗ ରେ କ୍ୟାପଟେନସିପ କୁ ସମ୍ଭାଳିଛନ୍ତି ମହେନ୍ଦ୍ର ସିଂ ଧୋନୀ । ଦଳ କୁ ସମ୍ଭାଳିବା ପରେ ଗତ ରବିବାର ସନରାଇଜର୍ସ ବିପକ୍ଷରେ ଦଳ ୧୩ ରନ ରେ ବିଜୟୀ ହୋଇଥିଲା । ବିଜୟୀ ହେବା ସହ ଦଳର କ୍ୟାପଟେନ ପଦ କୁ ଫେରିଥିବାରୁ ଧୋନୀ ଙ୍କ ମୁହଁ ରେ ସେହି ଖୁସି ର ଚମକ ରହିଥିଲା । ପୁଣେର ଏମସିଏ ଷ୍ଟାଡିୟମ ହଳଦିଆ ରଙ୍ଗ ଛାଇ ଯାଇଥିଲା । ଚାରିପଟେ କେବଳ ଚେନ୍ନାଇ ଏବଂ ଧୋନୀ ଙ୍କ ଫ୍ୟାନ୍ସ ମାନେ ନଜର ଆସୁଥିଲେ । ଏହାରି ଭିତରେ ଧୋନୀଙ୍କ ଜଣେ ଛୋଟ ଫ୍ୟାନ ମଧ୍ୟ ନଜର ଆସିଲେ । ସେହି ଛୋଟ ଝିଅର ବୟସ ୧୦-୧୨ ବର୍ଷ ହେବ । ଯିଏକି ଷ୍ଟାଡିୟମ ରେ ନିଜର ବାପାଙ୍କ ସହ ଧୋନୀଙ୍କୁ ଉତ୍ସାହ କରିବାକୁ ପହଁଚିଥିଲେ ।ଛୋଟ ଝିଅଟି ହାତରେ ଏକ କାର୍ଡ ଧରିଥିଲା । କାର୍ଡ ରେ ପ୍ରେମ ଭରା ଶବ୍ଦ ରେ କିଛି ଲେଖା ହୋଇ ଥିଲା । ଧୋନୀଙ୍କ ଏହି ପ୍ରଶଂସକ ନିଜ ବାପାଙ୍କ କାନ୍ଧରେ ବସି ସେହି କାର୍ଡ ଦେଖାଇଲା । ସେହି କାର୍ଡ ରେ ଧୋନୀଙ୍କ ସୁନ୍ଦର ସ୍କେଚ ରହିଥିଲା ।ଏହା ସହ ଲେଖା ହୋଇଥିଲା ‘ଆଇ ଲଭ ମାହ’ି । ସେହି ଛୋଟ ପ୍ରଶଂସକଙ୍କ କାର୍ଡ ର ତଳେ ଜିଗିଶା ଲେଖା ହୋଇଥିଲା । ତେବେ ଏହି ଛୋଟ ଝିଅଟି ନିଜ ପିତାଙ୍କ ସହ ଚେନ୍ନାଇ ର ମ୍ୟାଚ ଦେଖିବାକୁ ଆସିଥିଲା ଏବଂ ସେ ଧୋନୀ ଙ୍କ ଫ୍ୟାନ ବୋଲି ମଧ୍ୟ ସ୍ପଷ୍ଟ ଜଣା ପଡୁଥିଲା ।