ସ୍ତ୍ରୀର ଶବ ଦାହ ଚାଲିଥିବା ବେଳେ ସ୍ୱାମୀର ମୃତ୍ୟୁ 

ନିଶ୍ଚିନ୍ତକୋଇଲି  :  ନିଶ୍ଚିନ୍ତକୋଇଲି ବ୍ଲକ୍ କଟରପଡ଼ା ଗ୍ରାମ ପଞ୍ଚାୟତ ସାଙ୍କିଲୋ ଗ୍ରାମରେ ପତି ପତ୍ନୀ ଆଗ ପଛ ହୋଇ ମୃତ୍ୟୁବରଣ କରିବା ଘଟଣାଟି ସାଧାରଣରେ ଚର୍ଚ୍ଚାର ବିଷୟ ପାଲଟିଛି । ଗତକାଲି ସନ୍ଧ୍ୟାରେ କଟରପଡ଼ା ଗ୍ରାମ ପଞ୍ଚାୟତ ସାଙ୍କିଲେ(ଦଶମାଣିଆ) ଗ୍ରାମର ତ୍ରିନାଥ ସାମଲଙ୍କ ପତ୍ନୀ ହେମଲତା ସାମଲ ବାର୍ଦ୍ଧକ୍ୟଜନିତ ରୋଗରେ ଆକ୍ରାନ୍ତ ହୋଇ ମୃତ୍ୟୁବରଣ କରିଥିଲେ । ତାଙ୍କର ଶବ ଦାହ ହେବା ପାଇଁ ପ୍ରସ୍ତୁତ ହେଉଥିଲା ବେଳେ  ପତି ତ୍ରିନାଥ ମ୍ରିୟମାଣ ହେବା ସହ ଦୁଃଖରେ ଭାଙ୍ଗି ପଡ଼ିଥିଲେ । ପତ୍ନୀଙ୍କ ଶୋକରେ ଭାଙ୍ଗିପଡ଼ି ତ୍ରିନାଥ ମଧ୍ୟ ଅକାଳରେ ମୃତ୍ୟୁବରଣ କରିଥିଲେ । ତେବେ ପତି ପତ୍ନୀଙ୍କ ଶବ ଗୋଟିଏ କୋକେଇରେ ଆଗପଛ ହୋଇ ଗ୍ରାମ ଶ୍ମଶାନକୁ ଯାଇଥିଲା । ଶୋକାକୂଳ ପରିବେଶରେ ପତି -ପତ୍ନୀଙ୍କ ଶବଦାହ କରାଯାଇଥିଲା ।  ପୁତ୍ର ବସନ୍ତ  ଓ କୈଳାଶ ମୁଖାଗ୍ନୀ ଦେଇଥିଲେ ।