ନୂଆଦିଲ୍ଲୀ: ବିବାହର ସାତ ବର୍ଷ ମଧ୍ୟରେ ଯଦି ଜଣେ ମହିଳାଙ୍କର ଘରେ ସ୍ୱାଭାବିକ ମୃତ୍ୟୁ ହୁଏ ତେବେ ତାଙ୍କ ସ୍ୱାମୀଙ୍କୁ ଏହି ମୁତ୍ୟୁ ପାଇଁ ଯୌତୁକ ନିର୍ଯାତନାରେ ଦୋଷୀ ସାବ୍ୟସ୍ତ କରିବା ପର୍ଯ୍ୟାପ୍ତ ନୁହେଁ ବୋଲି ସୁପ୍ରିମକୋର୍ଟ କହିଛନ୍ତି । ସୁପ୍ରିମକୋର୍ଟର ଜଷ୍ଟିସ୍ ଅଭୟ ଏସ୍ ଓକା ଏବଂ ରାଜେଶ ବିନ୍ଦଲଙ୍କ ଏକ ଡିଭିଜନ୍ ବେଞ୍ଚ ଚରଣଜିତ୍ ସିଂ ବନାମ ରାଜ୍ୟ ଉତ୍ତରାଖଣ୍ଡ ମାମଲାର ଶୁଣାଣି ବେଳେ ଏହା କହିଛନ୍ତି । ବିବାହର ସାତ ବର୍ଷ ମଧ୍ୟରେ ମହିଳାଙ୍କ ଶାଶୁ ଘରେ ଅସ୍ୱାଭାବିକ ମୃତ୍ୟୁ ଘଟିଥିଲା । ଅଭିଯୁକ୍ତକୁ ଦୋଷୀ ସାବ୍ୟସ୍ତ କରିବା ପର୍ଯ୍ୟାପ୍ତ ନୁହେଁ ବୋଲି କୋର୍ଟ କହିଛନ୍ତି । ଏହି ମାମଲାରେ ରାୟ ଦେବାବେଳେ କୋର୍ଟ ଉକ୍ତ ମହିଳାଙ୍କ ସ୍ୱାମୀଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି ।
ବିବାହର ଦୁଇ ବର୍ଷ ପରେ ଯେତେବେଳେ ସେହି ବ୍ୟକ୍ତିଙ୍କ ପତ୍ନୀ ମରି ଯାଇଥିଲେ, ସେତେବେଳେ ସେ ତାଙ୍କ ଶାଶୂଙ୍କ ସହ ରହୁଥିଲେ । ଜୁନ୍ ୨୪, ୧୯୯୫ରେ ଝିଅର ବାପା ଉକ୍ତ ବ୍ୟକ୍ତିଙ୍କ ବିରୋଧରେ ହତ୍ୟା ମାମଲା ଦାୟର କରିଥିଲେ । ଏଫଆଇଆରରେ କୁହାଯାଇଥିଲା ଯେ ମୋ ଝିଅଙ୍କୁ ମୋଟରସାଇକେଲ ଏବଂ ଯୌତୁକ ଦାବି ପୂରଣ ନକରିବାରୁ ତାଙ୍କୁ ହତ୍ୟା କରିଥିଲେ । ଟ୍ରାଏଲ କୋର୍ଟ ମହିଳାଙ୍କ ସ୍ୱାମୀ, ଦିଅର ଏବଂ ଶାଶୂଙ୍କୁ ଦୋଷୀ ସାବ୍ୟସ୍ତ କରିଥିଲେ । ତେବେ ହାଇକୋର୍ଟ ମହିଳାଙ୍କ ଭାଉଜ ଏବଂ ଶାଶୂଙ୍କୁ ନିର୍ଦ୍ଦୋଷରେ ଖଲାସ କରି ସ୍ୱାମୀଙ୍କ ଦୋଷକୁ ସମର୍ଥନ କରିଛନ୍ତି । ଦଶ ବର୍ଷର କଠୋର ଜେଲ ଦଣ୍ଡରୁ ସାତ ବର୍ଷ ପର୍ଯ୍ୟନ୍ତ ସ୍ୱାମୀଙ୍କ ଦଣ୍ଡ ହ୍ରାସ କରାଯାଇଥିଲା । ସ୍ୱାମୀ ଏହି ନିଷ୍ପତ୍ତିକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲେ ।
