କଟକରେ ବିପୁଳ ମାଞ୍ଜା ସୂତା ଜବତ

କଟକ: ଝୋଲା ସାହିରୁ ବିପୁଳ ଚାଇନିଜ ମାଞ୍ଜା ସୂତା ଜବତ। ଚଢ଼ାଉ କରି ଜବତ କଲା ସିଏମସି ଏନଫୋର୍ସମେଣ୍ଟ ସ୍କ୍ବାଡ୍‌। ଚାଇନିଜ ମାଞ୍ଜା ସୂତାକୁ ପ୍ରଶାସନ ବ୍ୟାନ କରିଥିବା ବେଳେ ବେଆଇନ ବିକ୍ରି କରୁଥିବା ଦୋକାନ ଓ ଗୋଦାମ ଉପରେ ଚଢ଼ାଉ କରି ଜବତ କରିଛି ସିଏମସି ଏନଫୋର୍ସମେଣ୍ଟ ସ୍କ୍ବାଡ୍‌। ମକର ସଂକ୍ରାନ୍ତି ପାଖେଇ ଆସୁଥିବାରୁ କର୍ତ୍ତୃପକ୍ଷ ସତର୍କ ଅଛନ୍ତି। ଦଳ ଏବେ ଏହି ବିପୁଳ ପରିମାଣର ବିପଦପୂର୍ଣ୍ଣ ସୂତା କେଉଁଠାରୁ ଆସିଛି ତାହା ଜାଣିବା ପାଇଁ ତଦନ୍ତ ଆରମ୍ଭ କରିଛି। ସୂଚନାଯୋଗ୍ୟ, ରାଜ୍ୟରେ ମାଞ୍ଜା ସୂତା ଦୁର୍ଘଟଣା ଯୋଗୁଁ ଅନେକ ମୃତ୍ୟୁ ଘଟିଥିବା ରିପୋର୍ଟ ହୋଇଛି। ୨୦୨୧ ମସିହାରେ, କଟକରେ ଜଣେ ଯୁବକ ତାଙ୍କ ପତ୍ନୀଙ୍କ ସହିତ ବାଇକ୍ ଚଲାଉଥିବା ସମୟରେ ମାଞ୍ଜା ସୂତାରେ ଆଘାତ ପାଇ ମୃତ୍ୟୁବରଣ କରିଥିଲେ। ୨୦୨୪ ମସିହାରେ, ଭୁବନେଶ୍ୱରରେ ଏହି ବିପଦପୂର୍ଣ୍ଣ ସୂତା ଯୋଗୁଁ ଜଣେ ଆଇନ ଛାତ୍ର ଏବଂ ଅନ୍ୟ ଦୁଇଜଣ ଆହତ ହୋଇଥିଲେ। ଏହି ଘଟଣାଗୁଡ଼ିକ ରାଜ୍ୟରେ ନିଷିଦ୍ଧ ଚାଇନିଜ୍ ମାଞ୍ଜା ସୂତା ବ୍ୟବହାରର ବିପଦକୁ ସ୍ପଷ୍ଟ କରେ।