ନୂଆଦିଲ୍ଲୀ : ଗତକାଲି ୱେଷ୍ଟଇଣ୍ଡିଜ ବିପକ୍ଷରେ ଦିନିକିଆ ସିରିଜ ଜିତିଛି ଭାରତ । ଏହି ଶୃଙ୍ଖଳାର ପ୍ରଥମ ମୁକାବିଲାରେ ପଦାର୍ପଣ କରିଥିଲେ କ୍ରିକେଟର ଦୀପକ ହୁଡ୍ଡା । ଏହି ସିରିଜରେ ସେ ଭଲ ପ୍ରଦର୍ଶନ ଦେଖାଇଥିଲେ । ତେବେ ତାଙ୍କର ପିଲାଦିନ ସ୍ୱପ୍ନ ପୁରା ହୋଇଥିବା ସେ କହିଛନ୍ତି । ସେ ପିଲାଦିନେ ବିରାଟ କୋହଲି କିମ୍ବା ଧୋନୀଙ୍କଠାରୁ ଦିନିକିଆ କ୍ୟାପ ପାଇବେ ବୋଲି ଆଶା ରଖିଥିଲେ । ଯାହାକି ପରେ ସତ ହୋଇଥିଲା ।
ସେ ଖେଳିଥିବା ଦୁଇଟି ମୁକାବିଲାରେ ଭଲ ପ୍ରଦର୍ଶନ ଦେଖାଇ ସମସ୍ତଙ୍କ ମନ ଜିଣିଛନ୍ତି । ପ୍ରଥମ ଦିନିକିଆରେ ସେ ୨୬ ରନର ଦମଦାର ଇଂନିସ ଖେଳିଥିଲେ । ୱେଷ୍ଟଇଣ୍ଡିଜ ବିପକ୍ଷରେ ସେ ଭଲ ପ୍ରଦର୍ଶନ କରିଥିଲେ । ସେହିପରି ଦ୍ୱିତୀୟ ଦିନିକିଆରେ ସେ ୨୯ ରନ କରି ଗୋଟିଏ ଓ୍ବିକେଟ ନେଇଥିଲେ । ଏହି ସିରିଜ ପରେ ଦୀପକ ହୁଡ୍ଡା କହିଛନ୍ତି ଯେ, ପ୍ରଥମ ଦିନିକିଆରେ କୋହଲିଙ୍କଠାରୁ କ୍ୟାପ ମିଳିବା ତାଙ୍କ ପାଇଁ ସବୁଠୁ ଭଲ ମୂହୁର୍ତ୍ତ ରହିଥିଲା । ବହୁଦିନରୁ ସେ ଏହି ସ୍ୱପ୍ନ ଦେଖୁଥିଲେ । ଯାହାକି ତାଙ୍କର ପୁରଣ ହୋଇଛି ।
