ନ୍ୟୁୟର୍କ: ହଲିଉଡର ପ୍ରସିଦ୍ଧ ଅଭିନେତ୍ରୀ ବେଟି ହ୍ବାଇଟ୍ଙ୍କର ୯୯ ବର୍ଷ ବୟସରେ ପରଲୋକ। ବିଟି ହ୍ବାଇଟ୍ ଶୁକ୍ରବାର ୩୧ ଡିସେମ୍ବରରେ ଶେଷ ନିଶ୍ୱାସ ତ୍ୟାଗ କରିଛନ୍ତି। “ଦି ଗୋଲଡେନ ଗାର୍ଲ ଓ ଦି ମ୍ୟାରି ଟାଇଲର “ ଭଳି ଶୋରେ କାମ କରି ବେଟି ହ୍ବାଇଟ୍ ଆମେରିକାର ଜନତାଙ୍କୁ ସାତ ଦଶକ ପର୍ଯ୍ୟନ୍ତ ହସାଇଛନ୍ତି। କିନ୍ତୁ ଏବେ ସେ ଦୁନିଆ ଛାଡି ଯାଇ ସାରିଛନ୍ତି। ବେଟି ହ୍ବାଇଟ୍ଙ୍କ ପରଲୋକ ତାଙ୍କ ଘରେ ଶୋଇବା ଅବସ୍ଥାରେ ହୋଇଛି।
ବେଟି ହ୍ବାଇଟ୍ ହଲିଉଡ ଇଣ୍ଡଷ୍ଟ୍ରୀରେ ସବୁଠାରୁ ଲମ୍ବା କ୍ୟାରିୟର ଏନଜୟ କରିଛନ୍ତି। ଏହା ସହିତ ତାଙ୍କ ନାମ ଶୋବିଜ୍ ଇତିହାସରେ ମଧ୍ୟ ରେକର୍ଡ ହୋଇ ରହିଯାଇଛି। ବେଟି ହ୍ବାଇଟ୍ ୧୯୪୯ ରେ ନିଜର ଟେଲିଭିଜନରୁ କ୍ୟାରିୟର ଆରମ୍ଭ କରିଥିଲେ। ତାଙ୍କର ଶେଷ ଫିଲ୍ମ ‘ଟଏ ଷ୍ଟୋରୀ-୪ରେ ଥିଲା। ବେଟି ହ୍ବାଇଟ୍ ୨୦୧୯ ରେ ଆସିଥିବା ଏହି ଆନିମେଟେଡ୍ ଫିଲ୍ମରେ ଏକ ଭୂମିକାରେ ନିଜର ଭଏସ୍ ଦେଇଥିଲେ।
ବେଟି ହ୍ବାଇଟ୍ଙ୍କ ପରଲୋକରେ ହଲିଉଡ ଇଣ୍ଡଷ୍ଟ୍ରୀକୁ ବଡ ଝଟକା ଲାଗିଛି। ତାଙ୍କର ଏଜେଣ୍ଟ ପିପିଲ ମାଗାଜିନ୍ ସହିତ କଥା ହୋଇ କହିଥିଲେ, ବେଟି ହ୍ବାଇଟ୍ଙ୍କୁ ୧୦୦ ବର୍ଷ ହେବାର ଥିଲା, କିନ୍ତୁ ମୋତେ ଲାଗୁଛି ଯେ, ସେ ଆମ ଭିତରେ ସବୁବେଳ ପାଇଁ ବଞ୍ଚି ରହିଥିବେ। ମୁଁ ତାଙ୍କୁ ଖୁବ୍ ମିସ୍ କରିବି ଓ ତାଙ୍କର ପଶୁମାନେ ମଧ୍ୟ ତାଙ୍କୁ ଖୁବ୍ ମିସ୍ କରିବେ, ଯାହାକୁ ସେ ଖୁବ୍ ଭଲ ପାଉଥିଲେ।
