ମୁମ୍ବାଇ: ଆକ୍ଟର କେବିନ କ୍ଲାର୍କଙ୍କ ଫ୍ୟାନ୍ସଙ୍କ ପାଇଁ ଏକ ଦୁଃଖଦ ଖବର ରହିଛି । ସ୍କୁଲ ଅଫ୍ ରକ୍ ରେ ଡ୍ରାମର ଫ୍ରେଡି ସ୍ପ୍ୟାଜି ମ୍ୟାକଗୀ ଜୋନ୍ସଙ୍କ ଭୂମିକାରେ ନଜର ଆସିଥିବା ଅଭିନେତା କେବିନ କ୍ଲାର୍କଙ୍କ ଏକ ସଡକ ଦୁର୍ଘଟଣାରେ ଦେହାନ୍ତ ହୋଇଛି । ଏହି ଖବର ସାମ୍ନାକୁ ଆସିବା ପରେ ସୋସିଆଲ ମିଡିଆରେ ଫ୍ୟାନ୍ସଙ୍କଠାରୁ ଆରମ୍ଭ କରି ସେଲିବ୍ରିଟି ସମସ୍ତେ ତାଙ୍କୁ ଶ୍ରଦ୍ଧାଂଜଳୀ ଦେଉଛନ୍ତି । କେବିନଙ୍କ ଫ୍ୟାନ୍ସ ତାଙ୍କ ଫଟୋ ଶେୟାର କରି ତାଙ୍କ ଦ୍ୱାରା ଅଭିନୟ କରାଯାଇଥିବା ଚରିତ୍ରକୁ ମନେପକାଉଛନ୍ତି ।
ବୁଧବାର ଅର୍ଥାତ ୨୬ ମେ ରେ ଚିକାଗୋ ସଡକରେ ସାଇକେଲ ଚଲାଉଥିବା ସମୟରେ କେବିନ ଏକ କାର୍ ସହ ଧକ୍କା ହୋଇଥିଲେ ଏବଂ ତାଙ୍କର ମୃତ୍ୟୁ ହୋଇଥିଲା । ଅଭିନେତା ଜ୍ୟାକ ବ୍ଲାକ ନିଜ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରୁ ଏହି ସୂଚନା ପ୍ରଦାନ କରି ଶୋକ ପ୍ରକାଶ କରିଛନ୍ତି ।
‘ସ୍କୁଲ ଅଫ ରକ୍’ ର ଅଭିନେତା କେବିନ କ୍ଲାର୍କଙ୍କ ଦେହାନ୍ତ
