ଗୁଆହାଟୀ: ଆସାମର କାର୍ବି ଅଙ୍ଗଲଙ୍ଗ୍ ଜିଲ୍ଲାରୁ ରାଜ୍ୟ ପୁଲିସ ୩ କୋଟି ଟଙ୍କାର ହେରୋଇନ୍ ଜବତ କରିବା ସହିତ ଦୁଇଜଣଙ୍କୁ ଗିରଫ କରିଛି । ବିପୁଳ ପରିମାଣର ଡ୍ରଗ୍ସ ଏକ ଗାଡ଼ିରେ ପରିବହନ କରାଯାଉଥିବା ସୂଚନା ଆଧାରରେ କାର୍ବି ଅଙ୍ଗଲାଙ୍ଗ୍ ଜିଲ୍ଲା ପୁଲିସ ଓ ସିଆର୍ପିଏ୍ ମିଳିତ ଅଭିଯାନ ଚଳାଇ ବୋକାଜାନ୍ ନିକଟ ଲାହୋରିଜାନ୍ ଅଞ୍ଚଳରେ ଏକ ଗାଡ଼ିକୁ ଅଟକାଇଥିଲେ ।
ଗାଡ଼ିର ତଲାସୀ ନେବାପେରେ ୪୫ଟି ସାବୁନ୍ ପ୍ୟାକେଟ୍ରେ ୫୨୯.୩୬ ଗ୍ରାମ୍ ହେରୋଇନ୍ ପାଇଥିଲେ । ଏହି ପ୍ୟାକେଟ୍ଗୁଡ଼ିକୁ ଗାଡ଼ିରେ ରଖାଯାଇଥିବା ଟାୟାର୍ରେ ଲୁଚାଇ ନିଆଯାଉଥିଲା । ଜବତ ହେରୋଇନ୍ର ଅନ୍ତର୍ଜାତୀୟ ବଜାର ମୂଲ୍ୟ ପ୍ରାୟ ୩ କୋଟି ଟଙ୍କା ହେବ ବୋଲି ପୁଲିସ ପକ୍ଷରୁ କୁହାଯାଇଛି ।
