ହରିୟାଣା: ମହିଳାଙ୍କୁ ଗଣଦୁଷ୍କର୍ମ, ୨ ଗିରଫ

ଫରିଦାବାଦ: ହରିୟାଣାର ଫରିଦାବାଦ ସହରରେ ଜଣେ ମହିଳାଙ୍କୁ ଗଣଦୁଷ୍କର୍ମ କରିଥିବା ଅଭିଯୋଗରେ ପୁଲିସ ୨ ଜଣଙ୍କୁ ଗିରଫ କରିଛି । ରବିବାର ସଂପୃକ୍ତ ମହିଳା ସେକ୍ଟର-୧୨ସ୍ଥିତ ଟାଉନ ପାର୍କରେ ସାନ୍ଧ୍ୟଭ୍ରମଣ ଶେଷକରି ରାତି ୯ଟା ୪୫ରେ ଏକ ଅଟୋ ଯୋଗେ ବାସଭବନକୁ ଫେରୁଥିଲେ । କିଛି ବାଟ ଯିବାପରେ ଦୁଇଜଣ ବ୍ୟକ୍ତି ଆସି ଅଟୋ ଡ୍ରାଇଭରଙ୍କ ଦୁଇ ପାଶ୍ୱର୍ରେ ବସିଥିଲେ । ସେମାନେ ମହିଳାଙ୍କୁ ଶୁନ୍‌ଶାନ୍ ଏକ ଅନ୍ଧାରିଆ ସ୍ଥାନକୁ ନେଇ ଗଣଦୁଷ୍କର୍ମ କରିଥିଲେ । ମହିଳା ଜଣକ କୌଣସିମତେ ସେମାନଙ୍କ କବ୍‌ଜାରୁ ଖସିଆସି ପୁଲିସକୁ ସୂଚନା ଦେଇଥିଲେ । ସେହି ଅଞ୍ଚଳର ସିସିଟିଭି ଫୁଟେଜକୁ ଆଧାର କରି ପୁଲିସ ୨ ଅଭିଯୁକ୍ତଙ୍କୁ ଗିରଫ କରିଥିବାବେଳେ ଅଟୋ ଡ୍ରାଇଭର ଫେରାର ଥିବା ଜଣାପଡିଛି ।