ଭୁବନେଶ୍ୱର: ବର୍ତ୍ତମାନ ବିବାହ ଋତୁ ଚାଲିଛି । ଉଭୟ ବର ଓ କନ୍ୟା ପରିବାର ପାଇଁ ବିବାହ ଉତ୍ସବରେ ସୁନାର ଆବଶ୍ୟକତା ଅଧିକ ଥାଏ । ତେବେ ବର୍ତ୍ତମାନ ଯଦି ଆପଣ ସୁନା, ରୂପା କିମ୍ବା ଏହାର ଅଳଙ୍କାର କିଣିବାକୁ ଚାହୁଁଛନ୍ତି, ତେବେ ଆପଣଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ତଥା ଖୁସି ଖବର ଅଛି । କାରଣ ଗତ କିଛି ଦିନ ହେବ ସୁନା ଓ ରୂପା ଦରରେ କ୍ରମାଗତ ହ୍ରାସ ଘଟିଛି ।
ଏହି କାରଣରୁ, ସୁନା ଓ ରୂପା ଗ୍ରାହକ ମାନେ ବହୁତ ଖୁସି ହୋଇଥିବା ଖବର ମିଳିଛି । ଗୁରୁବାର ଆସିଥିବା ଅପଡେଟ୍ ଅନୁସାରେ ସପ୍ତାହର ଚତୁର୍ଥ ଦିନରେ ସୁନା ୧୦ ଗ୍ରାମ ପିଛା ୩୩୦ ଟଙ୍କା ଶସ୍ତା ହୋଇଛି । ପୂର୍ବରୁ ସୁନା ୧୦ ଗ୍ରାମ ପିଛା ପିଛା ୫୮୯୩୪ ଟଙ୍କା ଦର ରହିଥିଲା । ବୁଧବାର ଦିନ ସୁନା ଦର ୧୦ ଗ୍ରାମ ପିଛା ୫୯୧ ଟଙ୍କା ଶସ୍ତା ହୋଇ ୫୯୨୬୪ ଟଙ୍କା ସ୍ତରରେ ବନ୍ଦ ହୋଇଯାଇଥିଲା ।
ଗୁରୁବାର ଦିନ ସୁନା ସହିତ ରୂପା ମୂଲ୍ୟରେ ମଧ୍ୟ ହ୍ରାସ ଘଟିଛି । ଗୁରୁବାର ଦିନ ରୂପା ୧୧୪୩ ଟଙ୍କା ଶସ୍ତା ହୋଇ ଦର ପହଞ୍ଚିଛି ୭୧୦୬୨ ଟଙ୍କାରେ । ଏହା ପୂର୍ବରୁ ଅର୍ଥାତ ବୁଧବାର ଦିନ ରୂପା ୧୦୬୪ ଟଙ୍କା ବଢି ୭୩୧୬୯ ଟଙ୍କା ହୋଇଥିଲା । ସର୍ବଶେଷ ୧୪ ରୁ ୨୪ କ୍ୟାରେଟ୍ ସୁନା ଦର ।
ଏହା ପରେ, ଗୁରୁବାର ଦିନ ୨୪ କ୍ୟାରେଟ୍ ସୁନା ୫୮,୯୩୪ ଟଙ୍କା, ୨୩ କ୍ୟାରେଟ୍ ୫୮,୬୯୮ ଟଙ୍କା, ୨୨ କ୍ୟାରେଟ୍ ୫୩,୯୮୪ ଟଙ୍କା । ୧୮ କ୍ୟାରେଟ୍ ସୁନାର ଦାମ ୪୪,୨୦୧ ଏବଂ ୧୪ କ୍ୟାରେଟ୍ ୩୪,୪୭୬ ଟଙ୍କା ଶସ୍ତା ହୋଇଛି । ତେବେ ଆପଣଙ୍କୁ କହିରଖିବାକୁ ଚାହିଁବୁ ଯେ, MCX ଏବଂ ଆନ୍ତର୍ଜାତୀୟ ବଜାର ର ସୁନା ଏବଂ ରୂପା ହାର ଟିକସମୁକ୍ତ, ତେଣୁ ଦେଶର ବଜାର ହାର ମଧ୍ୟରେ ପାର୍ଥକ୍ୟ ଅଛି ।
