ନୂଆଦିଲ୍ଲୀ : ଆଗକୁ ଆସୁଛି ବିଧାନସଭା ନିର୍ବାଚନ । ନିର୍ବାଚନ ପାଇଁ ସମସ୍ତ ରାଜନୈତିକ ଦଳ ମୈଦାନକୁ ଓହ୍ଲାଇଛନ୍ତି । ନିର୍ବାଚନ ପୂର୍ବରୁ ବିଭିନ୍ନ ଦଳ ଭୋଟରମାନଙ୍କୁ ଅନେକ ପ୍ରତିଶ୍ରୁତି ଦେଉଛନ୍ତି । ବୁଧବାର ବିଜେପି ପକ୍ଷରୁ ନିର୍ବାଚନୀ ଇସ୍ତାହାର ଜାରି ହୋଇଥିବା ବେଳେ, ଘୋଷଣା ପତ୍ରରେ ରୋଜଗାର, ଚାଷୀଙ୍କ ସଶକ୍ତିକରଣ ଓ ଭିତ୍ତିଭୂମି ବିକାଶକୁ ଫୋକସ କରାଯାଇଛି ।
ଖାଲି ସେତିକି ନୁହେଁ ମହିଳା ଓ ଦେଶାନ୍ତରୀକରଣକୁ ରୋକିବାକୁ ମଧ୍ୟ ବିଜେପି ଇସ୍ତାହାରରେ କହିଛି । ରାଜ୍ୟରେ ଅନେକ ବିକାଶର କାମ କରିଛୁ ବୋଲି ବିଜେପି ଦୃଢ଼ୋକ୍ତି ବାଢ଼ିବା ସହ ଗରିବ ମହିଳାଙ୍କୁ ୩ଟି ମାଗଣା ସିଲିଣ୍ଡର ଦେବାକୁ ପ୍ରତିଶ୍ରୁତି ଦେଇଛି । ସବୁଠାରୁ ବଡ଼ କଥା ହେଉଛି ଆସନ୍ତା ତିନି ବର୍ଷ ପାଇଁ ପେଟ୍ରୋଲ ଓ ଡିଜେଲ ଉପରେ ରାଜ୍ୟ ଶୁକ୍ଳ ବୃଦ୍ଧି କରାଯିବ ନାହିଁ ବୋଲି କୁହାଯାଇଛି ।
