ଟ୍ରକ ଧକ୍କାରେ ମାଛ ବ୍ୟବସାୟୀଙ୍କ ମୃତ୍ୟୁ

ଜଗତସିଂହପୁର: ଜଗତସିଂହପୁର କନ୍ଦରପୁର-ମାଛଗାଁ ରାଜରାସ୍ତାର ପଲ୍ଲି ଛକ ନିକଟରେ ଦୁର୍ଘଟଣାକୁ ନେଇ ପ୍ରବଳ ଉତ୍ତେଜନା । ଟ୍ରକ ଧକ୍କାରେ ମାଛ ବ୍ୟବସାୟୀଙ୍କ ମୃତ୍ୟୁକୁ ନେଇ ବିକ୍ଷୋଭ ପ୍ରଦର୍ଶନ । କନ୍ଦରପୁର-ମାଛଗାଁ ରାସ୍ତାରେ ଟାୟାର ଜାଳି ରାସ୍ତା ଅବରୋଧ କରିଛନ୍ତି ଲୋକେ । ମୃତକଙ୍କ ପରିବାରକୁ କ୍ଷତିପୂରଣ ଦେବାକୁ ଦାବି ହୋଇଛି । ମୃତକ ହେଉଛନ୍ତି ଗଉଡୁଣି ପଡିଆ ଗାଁର ରତ୍ନାକର ବେହେରା । ସକାଳ ୫ଟା ସମୟରେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି । ଲୁନାରେ ମାଛ ନେଇ ବିକ୍ରି ପାଇଁ ଯିବା ବେଳେ ଏହି ଦୁର୍ଘଟଣା ଘଟିଛି । ଦୁର୍ଘଟଣା ଘଟାଇଥିବା ହାଇୱା ସହ ଚାଳକ ଫେରାର ହୋଇଯାଇଥିବା ବେଳେ ବାଲିକୁଦା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।