ପାଟନା: ବିହାର ରାଜଧାନୀ ପାଟଣାର ଫୁଲୱାରିଶରିଫରେ ତିନି ତଲାକ ମାମଲା ସାମ୍ନାକୁ ଆସିଛି । ଦୀର୍ଘ ୨୪ ବର୍ଷ ପରେ ସ୍ୱାମୀ ଫୋନ କଲରେ ଟ୍ରିପଲ ତାଲାକ ଦେଇଥିବା ଅଭିଯୋଗ କରି ଜଣେ ମହିଳା ସ୍ଥାନୀୟ ଥାନାର ଦ୍ୱାରସ୍ଥ ହୋଇଛନ୍ତି । ଦୀର୍ଘ ବର୍ଷ ହେବ ସେ ସ୍ୱାମୀଙ୍କର ନିର୍ଯ୍ୟାତନାର ଶିକାର ହୋଇଆସୁଥିଲେ । ଏବେ ସ୍ୱାମୀ ଦ୍ୱିତୀୟ ବିବାହ କରିବା ସହ ତାଙ୍କୁ ଫୋନ କଲେରେ ଛାଡପତ୍ର ଦେଇଥିବା ନେଇ ମହିଳାଜଣଙ୍କ ଥାନାରେ ଏତଲା ଦେଇଛନ୍ତି । ଅଭିଯୋଗ ପରେ ପୋଲିସ କାର୍ଯ୍ୟାନୁଷ୍ଠାନ ଆରମ୍ଭ କରିଛି ।
ମହିଳାଜଣଙ୍କ ଏତଲାରେ ଦର୍ଶାଇଛନ୍ତି, ତାଙ୍କ ସ୍ୱାମୀ ତାଙ୍କୁ ନିୟମିତ ଶାରୀରିକ ଓ ମାନସିକ ନିର୍ଯାତନା ଦେଇ ଆସୁଥିଲେ । ବାରମ୍ବାର ଛାଡପତ୍ର ଦେବା ନେଇ ଧମକ ମଧ୍ୟ ଦେଉଥିଲେ । ଆଜି ସେ ଘରଠାରୁ ବାହାରେ ଥିବା ବେଳେ ଫୋନରେ କଥା ହୋଇ ତିନି ତଲାକ ଦେଇଥିଲେ । ସ୍ୱାମୀ ତାଙ୍କ ଅଜାଣତାର ଅନ୍ୟ ଜଣେ ମହିଳାଙ୍କୁ ବିହାହ କରିଥିବା ମହିଳାଜଣଙ୍କ ତାଙ୍କ ଅଭିଯୋଗରେ ଦର୍ଶାଇଛନ୍ତି । ମହିଳାଙ୍କ ଅଭିଯୋଗ ପରେ ପୋଲିସ ଏବେ ସମ୍ପୃକ୍ତ ଯୁବକଙ୍କୁ ଗିରଫ କରିବା ପାଇଁ ପ୍ରୟାସ କରୁଛି ।
ଦମ୍ପତିଙ୍କ ବିବାହକୁ ଦୀର୍ଘ ୨୪ ବର୍ଷ ବିତିଲାଣି । ଉଭୟଙ୍କର ଦୁଇଟି ପୁଅ ଏବଂ ଗୋଟିଏ ଝିଅ ମଧ୍ୟ ରହିଛି । ହେଲେ ଗତ କିଛି ବର୍ଷ ହେବ ଉଭୟଙ୍କ ମଧ୍ୟରେ ତିକ୍ତତା ଆରମ୍ଭ ହୋଇଥିଲା । ପରେ ସ୍ୱାମୀ ନିର୍ଯାତନା ଦେବା ଆରମ୍ଭ କରିଥିଲେ । ନିୟମିତ ଝଗଡା ଓ ମାଡ ମାରୁଥିଲେ ସ୍ୱାମୀ । ପରେ ସ୍ୱାମୀ ଅନ୍ୟତ୍ର ଜଣେ ମହିଳାଙ୍କୁ ବିବାହ କରିଥିବା ଜାଣିବାକୁ ପାଇଥିଲେ । ଏହାକୁ ନେଇ ମହିଳାଜଣଙ୍କ ବିରୋଧ କରିବାରୁ ସ୍ୱାମୀ ତାଙ୍କୁ ଛାଡପତ୍ର ଦେବାକୁ ଧମକ ଦେଇଥିଲେ । ଆଜି ସେ ଫୋନରେ ତିନି ଥର ତଲାକ ଉଚ୍ଚାରଣ କରି ଛାଡପତ୍ର ଦେଉଥିବା କହିଥିଲେ । ଏହା ପରେ ଏହାକୁ ନେଇ ପତ୍ନୀ ଥାନାରେ ଅଭିଯୋଗ କରିବା ପରେ ପୋଲିସ କାର୍ଯ୍ୟାନୁଷ୍ଠାନ ଆରମ୍ଭ କରିଛି ।
