ମୁମ୍ବାଇ: ମହାରାଷ୍ଟ୍ରର ରାୟଗଡ ଜିଲ୍ଲାରେ ଏକ ଔଷଧ କାରଖାନାରେ ଅଗ୍ନିକାଣ୍ଡ ଘଟି ୮ ଜଣ ପ୍ରାଣ ହରାଇଥିବାବେଳେ ୩ ଜଣ ନିଖୋଜ ଅଛନ୍ତି । ସୂଚନା ଅନୁଯାୟୀ ଶନିବାର ଦିନ ୧୧ଟା ସମୟରେ ବ୍ଲୁ ଜେଟ୍ ହେଲଥ୍କେୟାର ଔଷଧ କାରଖାନାରେ ସଟ୍ସର୍କିଟ ଯୋଗୁଁ ନିଆଁ ଲାଗିଥିଲା ।
ତେବେ ଏହି ନିଆଁ ସେଠାରେ ରଖାଯାଇଥିବା ରାସାୟନିକ ବ୍ୟାରେଲକୁ ବ୍ୟାପିଯିବାରୁ ସ୍ଥିତି ଅସମ୍ଭାଳ ହୋଇପଡିଥିଲା । ଦମକଳ ବାହିନୀ ପକ୍ଷରୁ ନିଆଁକୁ ଆୟତ୍ତ କରାଯାଇଥିବାବେଳେ ଉଦ୍ଧାର କାର୍ଯ୍ୟରେ ଏନ୍ଡିଆରଏଫ୍ ଯବାନଙ୍କୁ ନିୟୋଜିତ କରାଯାଇଛି । ଶନିବାର ରାତି ସୁଦ୍ଧା ୮ଟି ମୃତଦେହ ଉଦ୍ଧାର କରାଯାଇଛି ।
