କଂଗ୍ରେସ ମିଶ୍ରଣ ପର୍ବରେ ସାମିଲ ହେଲେ ବିଜେଡିର ୫୦ କର୍ମୀ

ବିଷମକଟକ : ରାୟଗଡା ଜିଲ୍ଲା ବିଷମକଟକ ମାଁ ମାର୍କମା ମନ୍ଦିରରେ ଆଜି କଂଗ୍ରେସ ଦଳର ମିଶ୍ରଣ ପର୍ବରେ ବିଜେଡିର ୫୦ କର୍ମୀ ଶପଥ ପାଠକରି ସାମିଲ ହୋଇଛନ୍ତି l ବିଷମକଟକ ବିଧାୟକ ପ୍ରାର୍ଥୀ ନିଳମାଧବ ହିକକା ବିଷମକଟକ ଓ ମୁନିଗୁଡା ବ୍ଲକ ସଭାପତି ବିଜୟକିଶର ପଟ୍ଟନାୟକ ଓ ନିଳାମ୍ବର ବିଭାର ଏବଂ ମୁନିଗୁଡା ସାଂସଦ ପ୍ରତିନିଧି ମାନସ ରଞ୍ଜନ ବେହେରା, ସିଂଙ୍ଗପୁର ପିସିସି ମେମ୍ବର ରମେଶ ତ୍ରୀପାଠୀ , ଓବିସି ସେଲ୍ ସଭାପତି ପ୍ରସାଦ ମହାଙ୍କୁଡ ଙ୍କ ନେତୃତ୍ବରେ ଏ ସମସ୍ତ ବିଜେଡି କର୍ମୀ ଆଜି କଂଗ୍ରେସ ଦଳରେ ସାମିଲ ହୋଇଛନ୍ତି l ବିଗତ ଦିନରେ କଂଗ୍ରେସ ତଥା ମାନ୍ୟବର ସାଂସଦ ଶ୍ରୀ ସପ୍ତଗିରି ଉଲ୍ଲାକାଙ୍କ ଦୋଳ ତଥା ଅଞ୍ଚଳବାସୀଙ୍କ ସମସ୍ୟାଗୁଡିକକୁ ସଂସଦରେ ଉପସ୍ଥାପନ କରିବା ସହ ସମସ୍ୟାକୁ ପ୍ରାଧାନ୍ୟ ଦେଇ କାର୍ଯ୍ୟକରୁଥିବା ସହ ସାମାଜିକ ଗୋଣମାଧ୍ୟମରେ ଏ ସମସ୍ତ କାର୍ଯ୍ୟ ବିଷୟରେ ଜନସାଧାରଣଙ୍କୁ ଅବଗତ କରୁଥିବା ପ୍ରଣାଳୀକୁ ଆଜି ସମସ୍ତ କର୍ମୀ ଧନ୍ୟବାଦ ଦେବାସହ ତାଙ୍କକାର୍ଯ୍ୟରେ ଅନୁପ୍ରାଣିତ ହୋଇ ବିଜେଡି ଛାଡି କଂଗ୍ରେସରେ ସାମିଲ ହୋଇଥିବା କହିଛନ୍ତି କର୍ମୀମାନେ l

ବିଗତ ଦିନରେ ବିଷମକଟକ ଅଞ୍ଚଳବାସୀଙ୍କ ସମସ୍ୟାକୁ ପ୍ରାଧାନ୍ୟ ଦେଇ ବିଷମକଟକ ବିଧାୟକ ପ୍ରାର୍ଥୀ ତଥା ବିଷମକଟକ ବ୍ଲକ ସଭାପତି ଦୁଇ ଦୁଇ ଥର ବ୍ଲକ ଘେରାଉକରି ଅଞ୍ଚଳବାସୀଙ୍କ ସମସ୍ୟାକୁ ପ୍ରଶାସନ ପାଖରେ ଉପସ୍ଥାପନ କରି କିଛିକାର୍ଯ୍ୟକୁ ସାଫଲ୍ୟ କରିଥିବା ଯୋଗୁଁ ତାଙ୍କ କାର୍ଯ୍ୟରେ ମଧ୍ୟ ଅନୁପ୍ରାଣିତ ହୋଇଥିବା ବେଳେ ଦଳ ଯଦି ଶାସନକୁ ଆସିଲେ ଲୋକଙ୍କ ସମସ୍ୟା ତଥା ଅଞ୍ଚଳର ସମସ୍ୟାକୁ ନିଶ୍ଚିତ ଭାବରେ ପ୍ରଥମେ ପ୍ରାଧାନ୍ୟ ଦିଆଯିବ ବଲି କହିଛନ୍ତି ବିଧାୟକ ପ୍ରାର୍ଥୀ ନିଳମାଧବ ହିକକା l ଅନ୍ୟପକ୍ଷରେ ଆମେ ଦଶବର୍ଷ ବିଜେଡି ଦଳରେ ରହିଥିଲୁ କିନ୍ତୁ ବିଜେଡି ଦୋଳ ଆମ ଅଞ୍ଚଳର ଲୋକଙ୍କ ସମସ୍ୟାକୁ ଗୁରୁତ୍ବ ଦେଇନାହାନ୍ତି l

ବିଜେଡିର ନେତା ତଥା ମନ୍ତ୍ରୀଙ୍କୁ ଲୋକଙ୍କ ସମସ୍ୟା ବିଷୟରେ ଅବଗତ କରାଇଲେ ସେମାନେ ବାମକାନରେ ଶୁଣି ଡାହାଣକାନରେ ଛାଡିଦେଇଥିବା କହିଛନ୍ତି କର୍ମୀମାନେ l ଆଗାମି ଦିନରେ ଆମେ ଚାରଟି ବ୍ଲକର ସମସ୍ତ କର୍ମୀ ଏକାଠି ହଇ କଂଗ୍ରେସ ଦୋଳକୁ ମଜବୁତ କରିବା ସହ ଆଗାମି ନିର୍ବାଚନରେ ବିଷମକଟକ ନିର୍ବାଚନ ମଣ୍ଡଳିରେ ପିସିସି ସଭାପତି ଯାହାକୁ ନିର୍ଦେଶ ଦେବେ ଦଳପାଇଁ କାମକରି କଂଗ୍ରେସକୁ ବିଜୟ ମୁକୁଟ ପିନ୍ଧାଇବୁ ବୋଲି କହିଛନ୍ତି ସାମିଲ ହୋଇଥିବା କର୍ମୀମାନେ l ଆଜି କଂଗ୍ରେସରେ ସାମିଲ ହୋଇଥିବା ସମସ୍ତ କର୍ମୀ କଲ୍ୟାଣ ସିଙ୍ଗପୁର କନ୍ଦକାଚାପାଡୁ ପଞ୍ଚାୟତ ଅଞ୍ଚଳର l