କଟକ: କଟକର ପାରିବାରିକ ଅଦାଲତରେ ବିଚାର ଚାଲିଥିବା ଅନୁଭବ-ବର୍ଷା ବିବାହ ବିଛେଦ ମାମଲାରେ ଶନିବାର ସାକ୍ଷ୍ୟ ଆରମ୍ଭ ହୋଇଛି । ଆସନ୍ତା ନଭେମ୍ବର ୧୦ ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବ । ପୂର୍ବରୁ ବର୍ଷାଙ୍କ ଆବେଦନକୁ ଫାମିଲି କୋର୍ଟ ଖାରଜ କରିଛନ୍ତି । ବର୍ଷାଙ୍କ ଆବେଦନ ଅନୁସାରେ ଭରଣପୋଷଣା ମାମଲାର ଫଇସଲା ନିମନ୍ତେ ତାଙ୍କ ପକ୍ଷରୁ ଗତ ୨୭ ତାରିଖରେ ମାମଲା ରୁଜୁ କରାଯାଇଥିଲା । ଅନୁଭବଙ୍କ ପକ୍ଷରୁ ମଧ୍ୟ ଏଡି ମାମଲାରେ ଏଭିଡେନ୍ସ ପିଟିସନ୍ ଦାଖଲ କରାଯାଇଛି ।
ସୂଚନାଯୋଗ୍ୟ, ଏହି ମାମଲାର ତ୍ୱରିତ ଫଇସଲା ନିମନ୍ତେ ଅନୁଭବଙ୍କ ପକ୍ଷରୁ ହୋଇଥିବା ଆବେଦନକୁ ହାଇକୋର୍ଟ ଖାରଜ କରିଛନ୍ତି । କଟକର ପାରିବାରିକ ଅଦାଲତରେ ବିଚାର ଚାଲିଥିବା ଅନୁଭବ-ବର୍ଷା ବିବାହ ବିଛେଦ ମାମଲାର ଅଗ୍ରଗତି ହୋଇଥିବାରୁ ହାଇକୋର୍ଟ ଅନୁଭବଙ୍କ ଆବେଦନ ଯଥାର୍ଥ ନୁହେଁ ବୋଲି ଦର୍ଶାଇଛନ୍ତି । ବର୍ଷା ଓ ଅନୁଭବଙ୍କ ସହ ବୈବାହିକ ଜୀବନକୁ ପୁନଃ ପ୍ରତିଷ୍ଠା ନିମନ୍ତେ କଟକର ପାରିବାରିକ କୋର୍ଟରେ ବର୍ଷାଙ୍କ ପକ୍ଷରୁ ଆବେଦନ କରାଯାଇଥିଲାବେଳେ ଅନୁଭବଙ୍କ ପକ୍ଷରୁ ବର୍ଷାଙ୍କୁ ଛାଡପତ୍ର ଦେବାକୁ ଆବେଦନ କରାଯାଇଛି ।
