ପୁଅର ବିବାହ ପାଇଁ ଯାଉଥିବା ବେଳେ ବଜ୍ରପାତରେ ବାପାଙ୍କ ମୃତ୍ୟୁ

ସମ୍ବଲପୁର:  ପୁଅ ବିବାହ ପାଇଁ ଲଗ୍ନ   ପତ୍ର  ଦେବାକୁ  ଆସୁଥିବା ବେଳେ ବଜ୍ରପାତରେ ବାପାଙ୍କ ମୃତ୍ୟୁ ହୋଇଛି । ସମ୍ବଲପୁର  ଯୁଯୁମୁରା  ବାଣ୍ଡିଝରଣ ଠାରେ  ଘଟିଛି ଅଘଟଣ ।  ମୃତକ ଜଣକ ହେଲେ  ବିପ୍ଲବ ବେହେରା । ବଜ୍ରପାତରେ ବିପ୍ଲବଙ୍କ ସାନ ଭାଇ ବଳରାମ ମଧ୍ୟ ଆହତ ହୋଇଛନ୍ତି ।  ସୂଚନା ଅନୁସାରେ ବୌଦ୍ଧ ବାଘିଆପଡାର ବିପ୍ଲବଙ୍କ ପୁଅ  ସୁଜିତର ବାହାଘର  ଘୁଯୁମୁରା  ଗହୀରପାଲିରେ ସ୍ଥିର ହୋଇଥିଲା । ଆସନ୍ତା ଏପ୍ରିଲ ୨୫ ତାରିଖରେ ବାହାଘର ଲଗ୍ନ  ଥିବା ବେଳେ  ଗତକାଲି ଲଗ୍ନ ପତ୍ର ଦେବାକୁ  ଗହୀରପାଲିକୁ  ବାଇକ  ଯୋଗେ ଆସୁଥିଲେ ହଠାତ ବଜ୍ରପାତ ହେବାରୁ ବିପ୍ଲବ ବେହେରାଙ୍କ ମୃତ୍ୟୁ ହୋଇଥିବା ବେଳେ ବଳରାମ ବେହେରା ଆହତ ହୋଇଛନ୍ତି ।