ମର୍ମନ୍ତୁଦ ସଡକ ଦୁର୍ଘଟଣା : ୧ ମୃତ

ଖୋର୍ଦ୍ଧା : ଟ୍ରକକୁ ଧକ୍କା ଦେଲା ପିକଅପ ଭ୍ୟାନ। ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଜାତୀୟ ରାଜପଥ ନୂଆଗଡ ନିକଟରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା। ଫଳରେ ଡ୍ରାଇଭର ଜଣକଙ୍କର ମୃତ୍ୟୁ ହୋଇଛି । ଏବଂ ମୃତକ ଜଣଙ୍କ ପଶ୍ଚିମବଙ୍ଗର ତପନ କୁମାର ପଣ୍ଡା ବୋଲି ଜଣାପଡିଛି । ସୂଚନା ଅନୁଯାୟୀ, ନୂଆଗଡ ଛକ ନିକଟରେ ଏକ ମାଲ ବୋଝେଇ ଟ୍ରକ ରାସ୍ତା କଡରେ ଠିଆ ହୋଇଥିଲା । ଏହି ସମୟରେ ଦ୍ରୁତ ଗତିରେ ଏକ ପିକଅପ ଭ୍ୟାନ ଆସି ଟ୍ରକଟିକୁ ପଛପଟୁ ଧକ୍କା ଦେଇଥିଲା । ଫଳରେ ଡ୍ରାଇଭର ଜଣଙ୍କ ଜୀବନ ଚାଲିଯାଇଛି । ତେବେ ଖବର ପାଇ ବାଲୁଗାଁ ପୋଲିସ ଘଟଣା ସ୍ଥଳରେ ପହଂଚି ଅଧିକ ତଦନ୍ତ ଜାରି ରଖିଥିବା ବେଳେ ପିକଅପ ଭ୍ୟାନ ଚାଳକଙ୍କ ବେପରୁଆ ଓ ଦ୍ରୁତ ଗତିରେ ଗାଡି ଚାଳନା ଯୋଗୁଁ ଏପରି ଏକ ବଡ ଦୁର୍ଘଟଣା ଘଟିଛି ବୋଲି ପ୍ରାଥମିକ ତଦନ୍ତରୁ ଜଣା ପଡିଛି ।