ମର୍ମନ୍ତୁଦ ସଡକ ଦୁର୍ଘଟଣା : ୧ ମୃତ

ଜଳେଶ୍ବର : ବାଇକ-ବାଇକ୍ ମୁହାଁମୁହିଁ ଧକ୍କା । ଦୁର୍ଘଟଣାରେ ଚାଲିଗଲା ବୋହୂର ଜୀବନ । ଗୁରୁତର ହୋଇଛନ୍ତି ଶ୍ୱଶୁର । ଗତକାଲି ବାଲେଶ୍ବର ଜିଲ୍ଲା ଜଳେଶ୍ବର- ପଶ୍ଚିମବାର୍ଡ ମୁଗ୍ଧ ରାସ୍ତାର ଶାଳିକୋଠା ଛକ ନିକଟରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି I ଦୁଇଟି ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ମୃତକ ହେଲେ ଜଳେଶ୍ଵର ଥାନା ବର୍ଷନା ଗାଁର ମିଲିରାଣୀ ଜେନା । ଶ୍ୱଶୁର ଅରୁଣ ଜେନାଙ୍କୁ ଗୁରୁତର ଅବସ୍ଥାରେ ବାଲେଶ୍ବର ମେଡିକାଲରେ ଭତ୍ତି କରାଯାଇଛି । ଶ୍ଵଶୁରଙ୍କ ସହ ଜଳେଶ୍ବର ବଜାରରୁ ଜିନିଷପତ୍ର କିଣି ଘରକୁ ଫେରୁଥିଲେ ମିଲିରାଣୀ। ଏଥୁକିବେଳେ ଶାଳିକୋଠା ଛକ ନିକଟରେ ବିପରୀତ ଦିଗରୁ ଆସୁଥିବା ଏକ ବାଇକ ସହ ମୁହାଁମୁହିଁ ଧକ୍କା ହୋଇଥିଲା । ଅଢ଼େଇ ବର୍ଷ ତଳେ ମିଲିରାଣୀଙ୍କର ବିବାହ ହୋଇଥିଲା ।