ପୁରୀ : ପ୍ରେମିକାକୁ ବିବାହ ପ୍ରଲୋଭନ ଦେଖାଇ ବାରମ୍ବାର ଶାରୀରୀକ ସର୍ମ୍ପକ ରଖିବା ଓ ପରେ ଗର୍ଭପାତ କରିବା ଘଟଣାରେ ସମୁଦ୍ରକୂଳ ଥାନା ପୋଲିସ ରସିକିଆ ପ୍ରେମିକକୁ ଗିରଫ କରି କୋର୍ଟ ଚାଲାଣ କରିଛି । ମାତ୍ର କୋର୍ଟରେ ଜାମିନ୍ ନାମଞ୍ଜୁର ହେବାରୁ ତାକୁ ଜେଲ ହାଜତକୁ ସ୍ଥାନାନ୍ତରିତ କରାଯାଇଛି । ସେ ହେଲା ଟାଉନଥାନା ଅନ୍ତର୍ଗତ ଦାଣ୍ଡମାଳିସାହୀର ଅମନ କର । ସୂଚନା ଅନୁଯାୟୀ, ୧୯ବର୍ଷିୟା ଯୁବତୀ ସହ ଅମନର ପ୍ରଥମେ ପ୍ରେମ ସର୍ମ୍ପକ ଗଢି ଉଠିଥିଲା ।
ପରେ ପରେ ପ୍ରେମିକାକୁ ଜୀବନସାଥି କରିବ ବୋଲି ପ୍ରତିଶୁତି ଦେଇଥିଲା ଅମନ । ଏହାର ସୁଯୋଗ ନେଇ ପ୍ରେମିକା ସହ ବାରମ୍ବାର ଶାରୀରିକ ସର୍ମ୍ପକ ସ୍ଥାପନ କରିଥିଲା । ଶେଷରେ ପ୍ରେମିକା ଗର୍ଭବତୀ ହୋଇଥିଲା । ମାତ୍ର ଗର୍ଭ ନଷ୍ଟ କଲେ ବିବାହ ହେବ ବୋଲି ମିଥ୍ୟା ପ୍ରତିଶ୍ରୁତି ଦେଇଥିଲା ଅମନ । କିନ୍ତୁ ଗର୍ଭପାତ ହେବା ପରେ ଚମ୍ପଟ ମାରିବାକୁ ଯୋଜନା କରିଥିଲା ରସିକିଆ ପ୍ରେମିକ । ଏପରିକି ତାକୁ ବିବାହ କରିବାକୁ ମନା କରି ଦେଇଥିଲା । ଅସହାୟ ପ୍ରେମିକା ନ୍ୟାୟ ପାଇବା ଲାଗି ଥାନାରେ ଅଭିଯୋଗ କରିବା ପରେ ପୋଲିସ ଏକ ମାମଲା ରୁଜୁ କରି ରସିକିଆ ପ୍ରେମିକାକୁ ଗିରଫ କରି କୋର୍ଟ ଚାଲାଣ କରିଛି । ଫଳରେ ଉକ୍ତ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।
