ଜାମ୍ମୁ କାଶ୍ମୀରରେ ଏନ୍‌କାଉଣ୍ଟର: ବାରାମୁଲ୍ଲାରେ ଲସ୍କର୍ କମାଣ୍ଡର ୟୁସୁଫ କଣ୍ଟ୍ରୁ ନିହତ

ଇାରମୁଲ୍ଲା: ଜାମ୍ମୁ କାଶ୍ମୀରର ବାରାମୁଲ୍ଲା ଜିଲ୍ଲାର ପ୍ୟାରିସୱାନି ଅଞ୍ଚଳରେ ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଏକ ଏନକାଉଣ୍ଟର ହୋଇଛି ।  ଏହି ଏନକାଉଣ୍ଟରରେ ଦୁଇ ଆତଙ୍କବାଦୀ ନିହତ ହୋଇଛନ୍ତି। ନିହତ ଆତଙ୍କବାଦୀଙ୍କ ମଧ୍ୟରେ ଲଶ୍କର-ଇ-ତାଇବାଙ୍କ ବରିଷ୍ଠ କମାଣ୍ଡର ୟୁସୁଫ କଣ୍ଟ୍ରୁ ମଧ୍ୟ ସାମିଲ ହୋଇଛି । ନିକଟରେ ବୁଡଗାମ ଜିଲ୍ଲାର ଜଣେ ଏସପିଓ ଏବଂ ତାଙ୍କ ଭାଇ, ଜଣେ ଆର୍ମି ଏବଂ ଜଣେ ସାଧାରଣ ନାଗରିକଙ୍କ ସମେତ ସୁରକ୍ଷା ବାହିନୀର ଅନେକ ହତ୍ୟାକାଣ୍ଡରେ ସେ ସମ୍ପୃକ୍ତ ଥିଲେ। ଆଇଜିପି କାଶ୍ମୀର ବିଜୟ କୁମାର ଏହି ସୂଚନା ଦେଇ କହିଛନ୍ତି ଯେ କର୍ଡନ ଭିତରେ ଆଉ ତିନି ଜଣ ଆତଙ୍କବାଦୀ ଅଛନ୍ତି। ଅପରେସନ୍ ଜାରି ରହିଛି । ବିଜୟ କୁମାରଙ୍କ କହିବାନୁସାରେ, ଏନକାଉଣ୍ଟର ବେଳେ ୩ ଜଣ ଯବାନ ଏବଂ ଜଣେ ସାଧାରଣ ନାଗରିକ ଆହତ ହୋଇଛନ୍ତି ।