୩ରେ ୭ଟି ବିଧାନସଭା ଆସନରେ ଉପନିର୍ବାଚନ

ନୂଆଦିଲ୍ଲୀ: ଚଳିତମାସ ୩ରେ ଛଅଟି ରାଜ୍ୟର ୭ଟି ବିଧାନସଭା ଆସନରେ ଉପନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏଥିପାଇଁ ମଙ୍ଗଳବାର ସନ୍ଧ୍ୟାରୁ ପ୍ରଚାର କାର୍ଯ୍ୟ ଶେଷ ହୋଇଛି । ଏହି ଆସନଗୁଡିକ ହେଲା ମୋକମା ଓ ଗୋପାଳଗଞ୍ଜ୍ (ବିହାର), ଆଦମପୁର (ହରିୟାଣା), ମନୁଗୋଡା (ତେଲେଙ୍ଗାନା), ଗୋଲା ଗୋରଖନାଥ (ଉତ୍ତର ପ୍ରଦେଶ), ଅନ୍ଧେରୀ ଇଷ୍ଟ୍ (ମହାରାଷ୍ଟ୍ର) ଏବଂ ଧାମନଗର (ଓଡ଼ିଶା) । ପୂର୍ବରୁ ଏହି ସାତଟି ଆସନ ମଧ୍ୟରୁ ବିଜେପି ଓ କଂଗ୍ରେସ ପ୍ରାର୍ଥୀ ଦୁଇଟି ଲେଖାଏଁ ଆସନରେ ବିଜୟୀ ହୋଇଥିବାବେଳେ ବିଜେଡି, ଶିବସେନା ଓ ଆରଜେଡି କବ୍‌ଜାରେ ଗୋଟିଏ ଲେଖାଏଁ ଆସନ ରହିଥିଲା । ନଭେମ୍ବର ୬ରେ ଭୋଟଗଣତି କରାଯିବ ।