ଦିବ୍ୟାଙ୍ଗଙ୍କୁ ରୋଜଗାର ଦେଉଛି ‘ଇକୋଜ୍ କାଫେ’

ବ୍ୟୁରୋ: ଦିବ୍ୟାଙ୍ଗ ମାନଙ୍କ ପାଇଁ ଏକ ନୂତନ ଆଶା ସଂଚାର ହୋଇଛି । ଦିବ୍ୟାଙ୍ଗଙ୍କୁ ରୋଜଗାରକ୍ଷମ କରିବାରେ ସାହାଯ୍ୟ କରୁଛି ‘ଇକୋଜ୍’ କାଫେ। ଏହା ଦକ୍ଷିଣ ଦିଲ୍ଲୀର ସତ୍ୟନିକେତନରେ ଅବସ୍ଥିତ । କାଫେଟି ସମ୍ପୂର୍ଣ୍ଣ ଭାବେ ବାକ୍ ଓ ଶ୍ରବଣ ବାଧିତ କର୍ମଚାରୀଙ୍କ ଦ୍ବାରା ପରିଚାଳିତ। ଗ୍ରାହକଙ୍କ ସହ ସେମାନେ ସାଙ୍କେତିକ ଭାଷାରେ ହିଁ ଭାବ ବିନିମୟ କରିଥାନ୍ତି। ଖାଦ୍ୟ ଅର୍ଡର ଲାଗି ପ୍ରତି ଖାଦ୍ୟ ତଥା ମେନୁରେ ସ୍ବତନ୍ତ୍ର କୋର୍ଡ ନିର୍ଦ୍ଧାରିତ କରାଯାଇଛି। ଅନ୍ୟପଟେ ଟେବୁଲ ଉପରେ ଗ୍ରାହକଙ୍କ ଲାଗି ‘ୱାଟର ପ୍ଲିଜ୍’, ‘ବିଲ୍’, ‘ଥ୍ୟାଙ୍କ୍ ୟୁ’ ଆଦି ଲେଖା ଥିବା ପ୍ଲାକାର୍ଡ ମଧ୍ୟ ରଖାଯାଇଛି। ସେହିପରି କୋର୍ଡ ଲେଖି ଖାଦ୍ୟ ଅର୍ଡର ଦେବା ପାଇଁ ଗ୍ରାହକଙ୍କୁ ନୋଟ୍ପ୍ୟାଡ୍ ମଧ୍ୟ ପ୍ରଦାନ କରାଯାଏ। ଚାରିବର୍ଷ ତଳେ କେତେକ ସାଙ୍ଗ ଏହାକୁ ମିଶି ଆରମ୍ଭ କରିଥିଲେ। ଉକ୍ତ କାଫେରେ ଏବେ ୪୦ ଜଣ ଦିବ୍ୟାଙ୍ଗ କାମ କରୁଛନ୍ତି। ତେବେ ପ୍ରଥମ କରି ଏପରି ଏକ କାଫେ ଯାହାକି ଗ୍ରାହକ ଙ୍କ ମନକୁ କିଣି ନେଉଛି । ଦିବ୍ୟାଙ୍ଗ ହୋଇଥିଲେ ବି ସେମାନେ କାହାଠାରୁ ବି କମ ନୁହଁନ୍ତି ବୋଲି ସେମାନେ ଆଜି ପ୍ରମାଣିତ କରି ଦେଖାଇଛନ୍ତି । ଲୋକମାନେ ଏଭଳି ଏକ କାଫେର ପରିକଳ୍ପନାକୁ ପସନ୍ଦ ଓ ପ୍ରଶଂସା କରୁଥିବା ବେଳେ ଏହାର ଏକ ଭିଡିଓ ଇନ୍ଷ୍ଟାଗ୍ରାମ୍ରେ ପୋଷ୍ଟ ହେବା ପରେ ତାହା ସଭିଁଙ୍କ ଦୃଷ୍ଟିଆକର୍ଷଣ କରୁଛି।