ଭୁବନେଶ୍ୱର: ଡିଆରଡିଓ ତଥ୍ୟ ଚୋରି ଘଟଣାରେ ସାମ୍ନାକୁ ଆସିଛି ପୁଣି ଏକ ନୂଆ ସୂଚନା । ଜଣେ ଅଭିଯୁକ୍ତର ମୋବାଇଲ ହ୍ୟାକ କରିଥିଲେ ରହସ୍ୟମୟୀ ମହିଳା । ୮ ମାସ ଧରି ମୋବାଇଲ ହ୍ୟାକ କରି ରଖିଥିଲେ । ଅଭିଯୁକ୍ତଙ୍କ ଲିଙ୍କରେ ଥିବା ଲୋକଙ୍କ ସହ ଯୋଗାଯୋଗ ରଖିଥିଲେ । ମହିଳାଙ୍କ ସହ କଥା ହେବାକୁ କିଛି ଅଭିଯୁକ୍ତ ନୂଆ ସିମ କିଣିଥିଲେ । ଅଭିଯୁକ୍ତ ସଚିନ ଜରିଆରେ ଆଇଟିଆର ନିର୍ଦ୍ଦେଶକଙ୍କ ଗତିବିଧି ଜାଣୁଥିଲେ । ଏସବୁ ବିଦେଶରୁ ପରିଚାଳିତ କରୁଥିଲେ ରହସ୍ୟମୟୀ ମହିଳା । ରହସ୍ୟମୟୀ ମହିଳାଙ୍କ ବାବଦରେ କ୍ରାଇମବ୍ରାଂଚ ସୂତ୍ରରୁ ସୂଚନା ମିଳିଛି ।
ଏହା ପୂର୍ବରୁ ସୂଚନା ଥିଲା କି , ରହସ୍ୟମୟୀ ଯୁବତୀ ଅଭିଯୁକ୍ତମାନଙ୍କ ସହ ଫେସବୁକ, ହ୍ୱାଟସ ଆପ ଓ ଇନଷ୍ଟାଗ୍ରାମରେ ଯୋଗାଯୋଗରେ ଥିଲେ । ସୋସିଆଲ ମିଡିଆରେ ୭ ଟି ଆକାଉଣ୍ଟ ଖୋଲି ଯୋଗାଯୋଗ କରୁଥିଲେ । ଫୋନ୍ରେ ହିନ୍ଦୀରେ କଥା ହେଉଥିଲେ । ଭିଡିଓ ଚାଟ ମଧ୍ୟ କରୁଥିଲେ । ସେ ୟୁକେର ଫୋନ ନମ୍ବର ବ୍ୟବହାର କରୁଥିଲେ । ସେହି ଫୋନନମ୍ବର କଲ୍ ଡିଟେଲସ ଜାଣିବାକୁ ଉଦ୍ୟମ ଜାରି ରଖିଛି କ୍ରାଇମବ୍ରାଞ୍ଚ । ଯୁବତୀଙ୍କ ପ୍ରକୃତ ପରିଚୟ ଜାଣିବାକୁ ଉଦ୍ୟମ ଜାରି ରହିଛି । ଦୁଇ ଜଣ ଅଭିଯୁକ୍ତଙ୍କୁ ବିବାହ ପ୍ରସ୍ତାବ ଦେଇଥିଲେ ରହସ୍ୟମୟୀ ଯୁବତୀ । ଜଣେ ଅଭିଯୁକ୍ତଙ୍କ ଚାନ୍ଦିପୁର ଘରକୁ ଆସିବା ପାଇଁ କହିଥିଲେ । କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା ଏହି ସୂଚନା ଦେଇଛନ୍ତି । ୭ଦିନିଆ ରିମାଣ୍ଡ ସରିବା ପରେ ଗତକାଲି ୫ ଅଭିଯୁକ୍ତଙ୍କୁ ବାଲେଶ୍ୱର ଏସଡିଜେଏମ କୋର୍ଟରେ ହାଜର କରାଯାଇଥିଲା । ଗିରଫ ଅଭିଯୁକ୍ତମାନେ ଏବେ ବାଲେଶ୍ୱର ଜିଲ୍ଲା ଜେଲ୍ରେ ଅଛନ୍ତି । ଗିରଫ ଅଭିଯୁକ୍ତଙ୍କ ଠାରୁ ସତ ଓଗାଳିବା ପାଇଁ କ୍ରାଇମବ୍ରାଞ୍ଚ ୭ ଦିନିଆ ରିମାଣ୍ଡରେ ଆଣିଥିଲା । କ୍ରାଇମବ୍ରାଞ୍ଚ, ଏନ୍ଆଇଏ ଓ ଏୟାରଫୋର୍ସ ଟିମ୍ ୫ ଅଭିଯୁକ୍ତଙ୍କୁ ଘନଘନ ଜେରା କରିଥିଲା । ଜେରା ବେଳେ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଥିଲା । ୭ ଦିନିଆ ରିମାଣ୍ଡ ଅବଧି ସରିବା ପରେ ଅଭିଯୁକ୍ତଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।
