ବ୍ୟୁରୋ: ନିଜର ଖାଇବା, ରହିବା ଓ ପିନ୍ଧିବାକୁ ନେଇ ପ୍ରାୟ ସମସ୍ତଙ୍କର ରୁଚି ରହିଛି । ଫ୍ୟାସନ୍ ଡ୍ରେସ୍ ସମସ୍ତଙ୍କର ପସନ୍ଦ । ଫ୍ୟାସନର କଥା କହିଲେ ଆପଣ ବିଭନ୍ନ ପ୍ରକାର ସାର୍ଟ, ଲେହେଙ୍ଗା, ଶାଢ଼ି ଓ ଅନେକ ଡିଜାଇନର ପୋଷାକ କିଣିଥିବେ ଏବଂ ପିନ୍ଧିବି ଥିବେ ନିଶ୍ଚୟ । ପ୍ଲାଜୋ ନାମକ ପୋଷାକର ଟ୍ରେଣ୍ଡ ଗତ ଦୀର୍ଘ ଦିନରୁ ବହୁତ ବୃଦ୍ଧି ପାଇଛି । ଝିଅ ଏବଂ ମହିଳାମାନେ ଏହାକୁ ବହୁ ପରିମାଣରେ କିଣନ୍ତି ଏବଂ ପିନ୍ଧନ୍ତି । ହେଲେ ଆପଣ କେବେ ଭାବିଛନ୍ତି କି ଫ୍ୟାସନ ପାଇଁ ଅଖାରେ ତିଆରି ପ୍ଲାଜୋ ପ୍ୟାଣ୍ଟ ପିନ୍ଧିବା କଥା । କିନ୍ତୁ ନିକଟରେଏଭଳି ଏକ ଭିଡିଓ ଭାଇରାଲ ହୋଇଛି ଯେଉଁଥିରେ ଏକ ପ୍ଲାଜୋ ଦେଖିବାକୁ ମିଳିଛି ଯାହାର ମୂଲ୍ୟ ସାଧାରଣ ପ୍ୟାଣ୍ଟ ତୁଳନାରେ ବହୁତ ଅଧିକ । ଯାହାକୁ ନେଇ ଚର୍ଚ୍ଚା ଜୋର ଧରିଛି ।
ବର୍ତ୍ତମାନ ବଜାରକୁ ଆସିଛି ଅଖାରେ ତିଆରି ପ୍ଲାଜୋ ପ୍ୟାଣ୍ଟ । ଏହି ଅଖାରେ ତିଆରି ପ୍ୟାଣ୍ଟର ଦାମ୍ ରହିଛି ୬୦ ହଜାର ଟଙ୍କା । ଏକ ଭିଡିଓ ଇନଷ୍ଟାଗ୍ରାମରେ ଭାଇରାଲ ହୋଇଛି। ଭିଡିଓଟିରେ ଅଖା ପ୍ୟାଣ୍ଟର ଡିଜାଇନ୍ ସ୍ପଷ୍ଟ ଭାବେ ଦେଖିବାକୁ ମିଳୁଛି । ଏହି ଭିଡିଓରେ ଦେଖିବା ପରି ଲାଗୁଛି ଯେ, ଏହା ଏକ ଶୋ’ରୁମ୍ ବାହାରେ କିମ୍ବା ଏକ ବଡ଼ ଦୋକାନ ବାହାରେ । ଏଥିରେ ଜଣେ ମହିଳା ପ୍ଲାଜୋ ନିକଟରେ ଠିଆ ହୋଇ ଏହି ପ୍ଲାଜୋ ପ୍ୟାଣ୍ଟ ବିଷୟରେ କହୁଛନ୍ତି । ଯେ ଏହା ବନ୍ଧୁକ ବ୍ୟାଗରେ ତିଆରି ଯାହା ଘରେ ବ୍ୟବହୃତ ହୁଏ ।ପ୍ୟାଣ୍ଟର ଡିଜାଇନ୍ ସେତେ ଆକର୍ଷଣୀୟ ହୋଇନଥିବା ବେଳେ ପ୍ୟାଣ୍ଟର ଗୋଟିଏ ପଟରେ କିଛି ପ୍ରିଣ୍ଟ ରହିଛି । ପ୍ୟାଣ୍ଟର ଅଣ୍ଟାରେ ଏକ କଳା ଡୋର ରହିଥିବା ଦେଖିବାକୁ ମିଳିଛି । ପ୍ୟାଣ୍ଟଟି ସେତେ ଡିଜାଇନ୍ର ହୋଇନଥିବା ବେଳେ ଏହି ଅଖା ପ୍ୟାଣ୍ଟଟିର ଦାମ୍ ୬୦ ହଜାର ଟଙ୍କା ହୋଇଥିବା ସହଜରେ ଗ୍ରହଣ କରି ହେଉନି । ବର୍ତ୍ତମାନ ସାମାଜିକ ଗଣମାଧ୍ୟମରେ ଏହି ଭିଡିଓ ଖୁବ୍ ଭାଇରାଲ ହେଉଛି ।
