ଭୁବନେଶ୍ବର : କାର୍ତ୍ତିକ ଅମାବାସ୍ୟା କୁ ଦୀପାବଳୀ ଅମାବାସ୍ୟା କହନ୍ତି । ଚଳିତ ଥର ଅକ୍ଟୋବର 31 ତାରିଖ ଗୁରୁବାର ଦିନ ଦୀପାବଳୀ ପଡୁଛି । ପ୍ରତ୍ୟକ ହିନ୍ଦୁମାନଙ୍କର ଏହା ଏକ ବିଶିଷ୍ଟ ପର୍ବ । ଏହି ପର୍ବ ପର୍ବାଣୀ ଦ୍ୱାରା ପ୍ରତ୍ୟକଙ୍କ ମନରେ ଆନନ୍ଦର ନଦୀ ପ୍ରବାହିତ ହୁଏ । ପୂରା ଭାରତର ସବତ୍ର ଏହି ପର୍ବ ମହା ଆଡମ୍ବର ସହିତ ପାଳନ କରାଯାଏ । ଏହା ଖାଲି ଆଲୋକର ପର୍ବ ନୁହେଁ ଏହା ମଧ୍ୟ ଭାଇଚାରାର ପର୍ବ । ପୌରାଣିକ ଦୃଷ୍ଟିରୁ ଲୋକ ବିଶ୍ୱାସ କରନ୍ତି କି ଏହି ଦିନ ପ୍ରଭୁ ଶ୍ରୀ ରାମଚନ୍ଦ୍ର ରାବଣକୁ ବଦ୍ଧ କରି ମା ସୀତାକୁ ଉଦ୍ଧାର କରି ଅଯୋଧ୍ୟାକୁ ପ୍ରତ୍ୟାବର୍ତ୍ତନ କରିଥିଲେ । ସେହିଦିନ ଅଯୋଧ୍ୟାବାସୀ ମାତା ସୀତୀଙ୍କୁ ଦୀପ ଜାଳି ସ୍ୱାଗତ କରିଥିଲେ । ସେହି ସ୍ମୃତିକୁ ମନେ ପକାଇବା ପାଇଁ ଲୋକମାନେ ଦୀପୀବଳୀ ଉତ୍ସବ ପାଳନ କରୁଛନ୍ତି । ଦୀପାବଳୀ ଦିନ ଘର ବାହାର ଚାରିଆଡ ସଫାସୁତୁରା କରାଯାଏ । ଏହି ଦିନ ସମସ୍ତେ ସ୍ୱଚ୍ଛ ବସ୍ତ୍ର ପରିଧାନ କରିବା ସହିତ ମା କାଳୀଙ୍କୁ ଆରାଧନା କରିଥାନ୍ତି । ଘର,ଦୋକାନ, ବଜାର ସବୁ ଆଲୋକମାଳାରେ ସଜାଯାଏ । ସନ୍ଧ୍ୟାହେବା ମାତ୍ରେ ଚାରିଆଡେ ଦୀପ ଆଲୋକରେ ଆଲୋକିତ ହୁଏ ଗାଁଠୁ ସହର । ଗାଁ ଦାଣ୍ଡରେ ସମସ୍ତେ ଦୀପ ଜାଳି ବାଣ ଫୁଟାଇ ବେଶ ଖୁସି ମନାଇଥାନ୍ତି । ବାଣ ଶବ୍ଦରେ ଚାରିଆଡେ ନୂତନ ଝଙ୍କାର ଖେଳିଯାଏ । ଏହି ଦିନ ସହର ବଜାର ସବୁ ଆଲୋକରେ ପରିପୂର୍ଣ୍ଣ ହୋଇଥାଏ । ଏହି ଦିନ ପିତୃ ପୁରୁଷମାନଙ୍କୁ ପିତୃ ଶ୍ରାଦ୍ଧ ମଧ୍ୟ ଦିଅନ୍ତି । ସନ୍ଧ୍ୟାପରେ ପିତୃ ଲୋକମାନଙ୍କ ଉଦେଶ୍ୟ ରେ ଦୀପଦାନ କରାଯାଏ । ବଡ ବଡୁଆଙ୍କୁ କାଉଁରିଆ କାଠିର ବିଡ ଜାଳି ଡକାଯାଏ । ଏହି ଦିନ ଘରେ ଘରେ ପିଠା ପଣାର ଆସର ଜମିଥାଏ ା
