ସଂସଦରେ ଧନଖଡ଼ ଓ ଜୟାଙ୍କ ମଧ୍ୟରେ ପୁଣି କଥା କଟାକଟି

ନୂଆଦିଲ୍ଲୀ : ସଂସଦରେ ଆଜି ସମାଜବାଦୀ ପାର୍ଟି ସାଂସଦ ତଥା ବଲିଉଡ୍ ଅଭିନେତ୍ରୀ ଜୟା ବଚ୍ଚନ ଓ ଗୃହର ଅଧ୍ୟକ୍ଷ ରାଜଦୀପ ଧନଖଡ଼ଙ୍କ ମଧ୍ୟରେ କଥା କଟାକଟି ହୋଇଛି । ପୁଣି ସେହି ସମାନ ପ୍ରସଙ୍ଗ ଉପରେ ରାଗି ଯାଇଛନ୍ତି ଜୟା । କିନ୍ତୁ ଏଥର ଗୃହର ଅଧ୍ୟକ୍ଷ ଆଇନା ଦେଖାଇଛନ୍ତି । ଶ୍ରୀ ଧନଖଡ଼ ଜୟାଙ୍କୁ ପାଠ ପଢ଼ାଇବାକୁ କହିଥିଲେ ଯେ ଆପଣ ହୋଇ ପାରନ୍ତି ଜଣେ ସେଲିବ୍ରେଟି କିନ୍ତୁ ଗୃହରେ ଯିଏ ବସିଛନ୍ତି ସମସ୍ତଙ୍କର ସମ୍ମାନ ଅଛି । ଶୁକ୍ରବାର ରାଜ୍ୟସଭାରେ ସମାଜବାଦୀ ପାର୍ଟି ସାଂସଦ ଜୟା ବଚ୍ଚନ ପୁଣି ରାଗି ଯାଇଛନ୍ତି । କାରଣ ହେଲା ସେହି ସମାନ ପ୍ରସଙ୍ଗ । ନିଜ ନାମକୁ ଶୁଣିଲେ ରାଗିଯାଉଛନ୍ତି ଜୟା । ଯେତେବେଳେ ଜୟା ବଚ୍ଚନଙ୍କ ପର୍ଯ୍ୟାୟ ଥିଲା, ସେତେବେଳେ ଅଧ୍ୟକ୍ଷ ଜଗଦୀପ ଧନଖଡ଼ ତାଙ୍କୁ ‘ଜୟା ଅମିତାଭ ବଚ୍ଚନ’ ବୋଲି ସମ୍ବୋଧନ କରିଥିଲେ । ଏହାକୁ ଶୁଣି ନିଜ ଆସନରୁ ଛିଡ଼ା ହୋଉ ପଡ଼ିଥିଲେ ଜୟା । ସେ ଅଧ୍ୟକ୍ଷଙ୍କୁ ତାଙ୍କର କହିବା ଶୈଳୀ ଉପରେ ବୁଝାଇବା ଆରମ୍ଭ କରି ଦେଇଥିଲେ । ଜୟା କହିଛନ୍ତି, ‘ମୁଁ, ଜୟା ଅମିତାଭ ବଚ୍ଚନ କହିବାକୁ ଚାହେଁ ଯେ ମୁଁ ଜଣେ କଳାକାର, ମୁଁ ଶରୀର ଭାଷା ବୁଝି ପାରୁଛି ଏବଂ ଏକ୍ସପ୍ରେସନ ବୁଝିପାରୁଛି ଏବଂ ସାର୍, ଦୟାକରି ମୋତେ କ୍ଷମା କରନ୍ତୁ କିନ୍ତୁ ଆପଣଙ୍କର ସ୍ୱର ଗ୍ରହଣୀୟ ନୁହେଁ, ଆମେ ସହକର୍ମୀ ସାର୍, ମୋର ମନେ ଅଛି ଯେତେବେଳେ ମୁଁ ସ୍କୁଲରେ ଥିଲି … ‘ଅଧ୍ୟକ୍ଷ ଜୟାଙ୍କୁ ବସିବାକୁ କହିଥିଲେ, କିନ୍ତୁ ଜୟା ରାଜି ହୋଇ ନ ଥିଲେ । ଅଧ୍ୟକ୍ଷ ଜୟାଙ୍କୁ ବାରମ୍ବାର ତାଙ୍କ ଆସନରେ ବସିବାକୁ କହିଥିଲେ । ଜୟାଙ୍କ ଜିଦଖୋର ମନୋଭାବ ଦେଖି ଶାସକ ଦଳ ମଧ୍ୟ ପାଟିତୁଣ୍ଡ କରିବାକୁ ଲାଗିଲେ । ଏହାକୁ କିପରି ମୁକାବିଲା କରାଯିବ ସେ ଜଣନ୍ତି ବୋଲି ଅଧ୍ୟକ୍ଷ କହିଥିଲେ । ଚେୟାରମ୍ୟାନ୍ ଜୟା ବଚ୍ଚନଙ୍କୁ କହିଛନ୍ତି , ଜୟା ଜୀ, ତୁମେ ବହୁତ ସମ୍ମାନ ହାସଲ କରିଛ । ଆପଣ ଜାଣନ୍ତି ଯେ ଜଣେ ଅଭିନେତା ମଧ୍ୟ ନିର୍ଦ୍ଦେଶକଙ୍କ କାର୍ଯ୍ୟ କରନ୍ତି । ମୁଁ ଏଠାରୁ ଯାହା ଦେଖୁଛି ଆପଣ ଦେଖି ପାରିବେ ନାହିଁ । ଅଧ୍ୟକ୍ଷ ଆହୁରି କହିଛନ୍ତି ଯେ ଆପଣ ହୁଏତ କେହି ହୋଇପାରନ୍ତି । ଆପଣ ଜଣେ ସେଲିବ୍ରିଟି, କିନ୍ତୁ ଆପଣଙ୍କୁ ନିୟମ ବୁଝିବାକୁ ପଡ଼ିବ । ମୁଁ ଏହାକୁ ବରଦାସ୍ତ କରିବି ନାହିଁ । ଅଧ୍ୟକ୍ଷ ଜୟାଙ୍କୁ କହିଥିଲେ ଯେ ଭାବ ନାହିଁ କେବଳ ଆପଣଙ୍କର ସମ୍ମାନ ଅଛି, ଯିଏ ଏଠାରେ ବସିଛନ୍ତି ସମସ୍ତଙ୍କର ସମ୍ମାନ ଅଛି ।