ପାଞ୍ଚପିଢ଼: କରଞ୍ଜିଆ ଉପଖଣ୍ଡ କାରାଗାରରେ ଆଜି କୋଭିଡ ପରୀକ୍ଷଣ କରାଯାଇଛି । କାରାଗାରରେ ଥିବା ୧୨୫ଜଣ କଏଦୀମାନଙ୍କ ମଧ୍ୟରୁ ୧୫ଜଣଙ୍କ ପରୀକ୍ଷଣ କରାଯାଇଥିଲା । ସେମାନଙ୍କ ମଧ୍ୟରୁ ୧୦ଜଣ ନୂତନ ଆକ୍ରାନ୍ତ ଚିହ୍ନଟ ହୋଇଥିବା ପ୍ରକାଶ କରିଛନ୍ତି ଉପଖଣ୍ଡ ଜେଲର୍ ପ୍ରଦୀପ ମହାଳିକ । ତେବେ ଯେଉଁମାନେ କୋଭିଡ ଆକ୍ରାନ୍ତ ସେମାନଙ୍କୁ ଅନ୍ୟତ୍ର ଆସୋଲେସନରେ ରଖାଯାଇଛି ।
ଏବଂ ସେହି କୋଠରୀରେ ଥିବା ଅନ୍ୟମାନଙ୍କର କୋଭିଡ ପରୀକ୍ଷଣ କରାଯାଇଛି ବୋଲି ସେ ପ୍ରକାଶ କରିଥିଲେ । ଆଜି ସକାଳେ ଉପଖଣ୍ଡ ଚିକିତ୍ସାଳୟରେ କୋଭିଡ ପରୀକ୍ଷଣ କରୁଥିବା କର୍ମଚାରୀ ଉପଖଣ୍ଡ କାରାଗାର ଅଧିକାରୀ ପହଞ୍ଚି ପରୀକ୍ଷଣ କରିଥିଲେ । ତେବେ ଅନ୍ୟମାନେ ଯେପରି କୋଭିଡ୍ ଆକ୍ରାନ୍ତ ନ ହୁଅନ୍ତି ସେ ନେଇ ପର୍ଯ୍ୟାପ୍ତ ପରିମାଣର ସତର୍କତା ଅବଲମ୍ବନ କରାଯାଇଛି ବୋଲି କହିଛନ୍ତି ।
