କେରଳ: ଜଣେ ଯୁବକଙ୍କ ଉପସ୍ଥିତ ବୁଦ୍ଧି ଯୋଗୁଁ ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛନ୍ତି ଲୋକେ । ଏପରି ଏକ ଘଟଣା ଘଟିଛି କେରଳର କୋଡ଼େଞ୍ଚେରି ସହରରେ । ଏପରି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିରେ ଥିବା ଦୃଶ୍ୟ ଅନୁଯାୟୀ, ରବିବାର ଏକ ଓଭରଲୋଡ ଧାନ ନଡ଼ା ବୋଝେଇ ଲୋରୀ ବିଦ୍ୟୁତ୍ ତାର ସଂସ୍ପର୍ଶରେ ଆସିବାରୁ ନିଆଁ ଲାଗିଯାଇଥିଲା ।
ଏହି ସମୟରେ ଗାଡି ଚାଳକ କିଛି ଉପାୟ ନପାଇ ନିଜକୁ ବଞ୍ଚାଇବାକୁ ଯାଇ ଗାଡିରୁ ଡେଇଁ ପଡିଥିଲେ । ଗାଡିରେ ନିଆଁ ହୁ ହୁ ହୋଇ ଜଳୁଥିବା ବେଳେ ସାଜି ଭାର୍ଗସ ନାମକ ଜଣେ ସାହାସୀ ଯୁବକ ଏହି ଦୁର୍ଘଟଣାକୁ ରୋକିବାକୁ ଯାଇ ଗାଡି ଉପରକୁ ଚଢ଼ିଯାଇଥିଲେ । ବିସ୍ଫୋରଣରୁ ଲୋକଙ୍କୁ ସୁରକ୍ଷା ଦେବାକୁ ଯାଇ ସେ ଗାଡିକୁ ଏକ ଖୋଲା ପଡିଆକୁ ନେଇଯାଇଥିଲେ । ସେଠାରେ ଲୋରୀରୁ ନିଆଁ ଲିଭାଯାଇଥିଲା । ଭାର୍ଗସେଙ୍କ ବୁଦ୍ଧି ଫଳରେ ଗାଡ଼ିରେ ମଧ୍ୟ କୌଣସି କ୍ଷତି ହୋଇନାହିଁ । ଭାର୍ଗସେଙ୍କ ଏପରି ସାହସିକତାକୁ ସବୁ ମହଲରୁ ପ୍ରଶଂସା କରାଯାଇଛି ।
