ନୂଆଦିଲ୍ଲୀ : କର୍ଣ୍ଣାଟକର ବିଜୟପୁର ଜିଲ୍ଲାରେ ଏକ ହତ୍ୟା ମାମଲା ସାମ୍ନାକୁ ଆସିଛି। ଏକ ମୁସଲମାନ ପରିବାର ସେମାନଙ୍କ ଝିଅ ଏବଂ ଦଲିତ ଯୁବକଙ୍କ ପ୍ରେମ ସମ୍ପର୍କ ଥିବାରୁ ଅଭିଯୋଗରେ ହତ୍ୟା କରିଥିଲେ। ବିଜୟପୁର ପୋଲିସ ଅଧୀକ୍ଷକ ଅନୁପମ ଅଗ୍ରୱାଲ କହିଛନ୍ତି ଯେ ଝିଅର ବାପା ଏବଂ ତାଙ୍କ ଭାଇଙ୍କ ସମେତ ୪ଜଣଙ୍କୁ ଗିରଫ କରାଯାଇଛି ଏବଂ ପରିବାରର ଅନ୍ୟ ଜଣେ ସଦସ୍ୟ ଫେରାର ଅଛି । ସୂଚନାନୁସାରେ, ଏହି ଘଟଣା ବିଜୟପୁରର ଦେବରା ହିପାରାଗି ତାଲୁକର ସାଲାଡାହଲ୍ଲୀ ଗ୍ରାମରେ ଘଟିଥିଲା ଯେଉଁଥିରେ ୧୯ବର୍ଷୀୟ ବାସଭାରାଜୁ ଏବଂ ୧୬ବର୍ଷିୟ ଡାଭାଲାବିଙ୍କ ଉପରେ ଆକ୍ରମଣ କରାଯାଇଥିଲା।
ମୁସଲମାନ ପରିବାର ପୂର୍ବରୁ ପୁଅକୁ ଝିଅ ଠାରୁ ଦୂରରେ ରହିବାକୁ ଚେତାବନୀ ଦେଇଥିଲା କିନ୍ତୁ ସେ ଏଥିପ୍ରତି ଧ୍ୟାନ ଦେଇନଥିଲେ। ପୋଲିସ କହିଛି ଯେ ମଙ୍ଗଳବାର ଅପରାହ୍ନରେ ପୁଅ ଓ ଝିଅ ଏକ କ୍ଷେତରେ ଥିବାବେଳେ ଝିଅର ବାପା ଏବଂ ଭାଇ, ଅନ୍ୟ ତିନି ଜଣ ସେଠାରେ ପହଞ୍ଚି ଉଭୟଙ୍କୁ ପଥର ଓ ବାଡ଼ିରେ ଆକ୍ରମଣ କରି ହତ୍ୟା କରିଥିଲେ। ଘଟଣାସ୍ଥଳରୁ ଅଭିଯୁକ୍ତମାନେ ଫେରାର ହୋଇଯାଇଥିଲେ । ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିଲା । ଏହି ଘଟଣାରେ ଦୁଇଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ଅନ୍ୟ ଅଭିଯୁକ୍ତମାନେ ଫେରାର ଅଛନ୍ତି । ପୋଲିସ ଘଟଣାର ଅଧିକ ଛାନଭିନ୍ ଆରମ୍ଭ କରୁଛି ।
