ସାମାନ୍ୟ ହେଳା ବଡ ବିପଦ ସୃଷ୍ଟି କରିବ

ଭୁବନେଶ୍ୱର: ବାତ୍ୟା ୟାସ ନେଇ ରାଜ୍ୟବାସୀଙ୍କୁ ସମ୍ବୋଧନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେ କହିଛନ୍ତି, ସାମାନ୍ୟ ହେଳା ବଡ ବିପଦ ସୃଷ୍ଟି କରିବ । ଆମକୁ ଏକ ସମୟରେ ଦୁଇଟି ବଡ ବିପଦର ମୁକାବିଲା କରିବାକୁ ହେବ । ଗତବର୍ଷ ଆମେ କୋଭିଡ ସହ ଅମ୍ଫନ ବାତ୍ୟାକୁ ସାମ୍ନା କରିଥିଲେ । ବାତ୍ୟା ଓଡିଶା ପାଇଁ ନୂଆ ନୁହେଁ । ତଥାପି ଆମକୁ ସାବଧାନ ରହିବାକୁ ହେବ ।  ସାମାନ୍ୟ ଅବହେଳା ଆମ ପାଇଁ ବଡ ବିପଦ ସୃଷ୍ଟି କରିବ ।  ବାତ୍ୟା ଓ କୋଭିଡର ମୁକାବିଲା କରିବାକୁ ସରକାର ସଂପୂର୍ଣ୍ଣ ପ୍ରସ୍ତୁତ ।  ଆପଣମାନଙ୍କ ସହଯୋଗ ହିଁ ଆମ ପ୍ରସ୍ତୁତିକୁ ମଜଭୂତ କରିବ ।  ସାଢେ ୪ କୋଟି ଓଡିଶାବାସୀ ମୋ ପରିବାର । ମୋ ପରିବାରରେ ନିରାପତ୍ତା ମୋ ପାଇଁ ପ୍ରାଥମିକତା ।  ଆଶ୍ରୟସ୍ଥଳୀ ବା ନିରାପଦ ସ୍ଥାନକୁ ଯିବାକୁ ନବୀନ ନିବେଦନ କରିଛନ୍ତି ।  କରୋନା ସମୟରେ ଆମକୁ ଅଧିକ ସାବଧାନ ରହିବାକୁ ହେବ । ଆଶ୍ରୟସ୍ଥଳୀରେ ବା ଘରେ ବାତ୍ୟା ବେଳେ ଦୁଇଟି ମାସ୍କ ପିନ୍ଧନ୍ତୁ ।  ସମସ୍ତେ ଦୁଇ ବିପଦ ବିରୋଧରେ ଏକାଠି ଲଢିବା ଏବଂ ନିଶ୍ଚିତ ଜିତିବା ।