ଜୟପୁର : ରାଜସ୍ଥାନର ଭିଲଓ୍ବାଡା ଜିଲ୍ଲାରେ ଏକ ଅଭାବନୀୟ ଘଟଣା ଘଟିଛି । କୋଟଡୀ ଥାନା ଅଞ୍ଚଳରେ ଭାଇ-ଭଉଣୀ ପବିତ୍ର ସମ୍ପର୍କରେ ଲାଗିଛି ଛିଟା । ଜଣେ ଯୁବକ ତାର ଜଣେ ସମ୍ପର୍କୀୟ ଭଉଣୀକୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏହା ସହିତ ଦୁଷ୍କର୍ମ ବେଳର ଭିଡିଓ କରି ସୋସିଆଲ ମିଡିଆରେ ଭାଇରାଲ କରିଥିବା ମଧ୍ୟ ଅଭିଯୋଗ କରିଛନ୍ତି ପୀଡିତା ଯୁବତୀ ।
ସମ୍ପର୍କୀୟ ଭଉଣୀଙ୍କ ଦୁଷ୍କର୍ମ କରିବା ପରେ ବିବାହ କରିବାକୁ ଜିଦ୍ ଧରିଲା ଏବଂ ବିବାହ ନକଲେ ଭିଡିଓ ଭାଇରାଲ କରିଦେବାକୁ ମଧ୍ୟ ଧମକ ଦେଇଥିଲା । ତେବେ ବାହା ହେବା ପାଇଁ ରାଜି ନହେବାରୁ ଏଥିରେ ଉତକ୍ଷିପ୍ତ ଯୁବକ ଭିଡିଓ ଭାଇରାଲ କରିଥିଲା । ଘଟଣାକୁ ନେଇ ଥାନାରେ ଅଭିଯୋଗ କରିଥିଲେ ପୀଡିତା ଯୁବତୀ ।
ମାମଲାକୁ ନେଇ ଏଏସଆଇ ଗୋପାଳ ଲାଲ୍ କହିଛନ୍ତି, ପୀଡିତା ଯୁବତୀ ଜଣକ ତାଙ୍କ ଜମିରେ ଏକାଥିବା ବେଳେ ଏହାର ଫାଇଦା ଉଠାଇ ତାଙ୍କୁ ଛୁରୀ ଦେଖାଇ ଧମକାଇବା ସହ ଦୁଷ୍କର୍ମ କରିଥିଲା ଏବଂ ଏହାର ଭିଡିଓ ମଧ୍ୟ ସୁଟ୍ କରିଥିଲା । ଏହା ପରେ ବିିଭିନ୍ନ ସମୟରେ ଭିଡିଓ ଭାଇରାଲ କରିଦେବାକୁ କହି ଦୁଷ୍କର୍ମ କରୁଥିଲା । ଏହା ସହିତ ବିବାହ କରିବାକୁ ଜିଦ୍ ଧରିଥିଲା । ବାହା ହେବାକୁ ମନା କରିବାକୁ ଶେଷରେ ଭିଡିଓ ଭାଇରାଲ କରିଥିଲା ଅଭିଯୁକ୍ତ ଯୁବକ । ପୀଡିତାଙ୍କ ଅଭିଯୋଗ ଆଧାରରେ ପୋଲିସ ମାମଲା ରୁଜୁକରି ତଦନ୍ତ ଆରମ୍ଭ କରିଛି ।
