ନୂଆଦିଲ୍ଲୀ: ଟେକ୍ କମ୍ପାନୀରେ ଛଟେଇ ପର୍ବ । ଗୋଟିଏ ପରେ ଗୋଟିଏ କମ୍ପାନୀରେ ଚାଲିଛି କଷ୍ଟ୍ କଟିଂ । ଟେକ୍ କମ୍ପାନୀ ଠାରୁ ଆରମ୍ଭ କରି ଇ–କମର୍ସ ପର୍ଯ୍ୟନ୍ତ ସବୁଠି ଛଟେଇ ଜାରି ରହିଛି । ଫେସବୁକର ମୂଳ କମ୍ପାନୀ ମେଟା, ଟୁଇଟର, ଆମାଜନ, ଗୁଗୁଲ ପରେ ଆଇବିଏମ୍ ମଧ୍ୟ ଏହି ତାଲିକାକୁ ଆସିଯାଇଛି । ଟେକ୍ କମ୍ପାନୀ ଆଇବିଏମ ପ୍ରାୟ ୩୯୦୦ କର୍ମଚାରୀଙ୍କୁ ଚାକିରିରୁ ବାହାର କରିବାକୁ ଘୋଷଣା କରିଛି। ଅଧିକ ନିବେଶ ପାଇଁ କର୍ମଚାରୀ ଛଟେଇ କରାଯାଉଥିବା କମ୍ପାନୀ କର୍ତ୍ତୃପକ୍ଷ କହିଛନ୍ତି ।
ବୁଧବାର ଛଟେଇ ଘୋଷଣା କରିଛି ଆଇବିଏମ । ନିଜ ସମ୍ପତ୍ତ କିଛି ଅଂଶ ନିବେଶ କରିବା ଉଦ୍ଦେଶ୍ଯରେ ଛଟେଇ ନିଷ୍ପତ୍ତି ନିଆଯାଇଛି ବୋଲି ସିଏଫଓ କହିଛନ୍ତି । ୨୦୨୨ ଆର୍ଥିକ ବର୍ଷର ଚତୁର୍ଥ କ୍ବାର୍ଟରରେ କ୍ଷତି ସହିବା ପରେ ଛଟେଇ ଘୋଷଣା କରାଯାଇଛି ।
କମ୍ପାନୀ ଚିଫ୍ ଫାଇନାନ୍ସ ଅଧିକାରୀ ଜେମ୍ସ କ୍ୟାବନାଗଙ୍କ କହିବା ମୁତାବକ, ଆଇବିଏମ କ୍ଲାଇଣ୍ଟ–ଫେସିଙ୍ଗି ରିସର୍ଚ୍ଚ ଏବଂ ଡେଭଲମେଣ୍ଟରେ ଭର୍ତ୍ତି କରିବାକୁ ପ୍ରତିଶୃତି ବଦ୍ଧ । ଛଟେଇ ଘୋଷଣା ପରେ କମ୍ପାନୀର ୨ପ୍ରତିଶତ ସେୟାର ହ୍ରାସ ପାଇଛି । କର୍ମଚାରୀଙ୍କୁ ଛଟେଇ ଓ ମୁକ୍ତ ନଗଦ କାରବାର ଯୋଗୁ ସେୟାର ପ୍ରଭାବିତ ହେଉଥିବା ବିଶେଷଜ୍ଞ ମତ ଦେଇଛନ୍ତି । କମ୍ପାନୀ କାର୍ଯ୍ୟବଳର ଛଟେଇ ହୋଇଥିବା କର୍ମଚାରୀ ମାତ୍ର ୧.୫% ।
ଆର୍ଥିକ ମାନ୍ଦାବସ୍ଥା ସହିତ ଲଢ଼ିବା ପାଇଁ ଟେକ୍ କମ୍ପାନୀ ମାନେ କଷ୍ଟ କଟିଂ ଉପରେ ବିଶେଷ ଧ୍ୟାନ ଦେଉଛନ୍ତି । ୨୦୨୨ରେ ଆଇବିଏମର ନଗଦ ପ୍ରବାଭ ୯.୩ ଆରବ ଡଲାର ରହିଥିଲା, ହେଲେ ଏହାକୁ ୧୦ ଆରବ ଡଲାରରେ ପହଞ୍ଚାଇବା ଲକ୍ଷ୍ୟରେ ରହିଛି ।
