କୋଚିଂ ସେଣ୍ଟରର ବନ୍ୟାଜଳରେ ବେସମେଣ୍ଟରେ ବୁଡ଼ି ଯାଇ ମୃତ୍ୟୁ ଘଟଣା : ଆଉ ୫ ଗିରଫ

ନୂଆଦିଲ୍ଳୀ : କୋଚିଂ ସେଣ୍ଟରର କାଳ ରାତି । ବନ୍ୟାଜଳରେ ବେସମେଣ୍ଟରେ ବୁଡ଼ି ଯାଇ ତିନିଜଣ ସିଭିଲ୍‌ ସର୍ଭିସ ଆଶାୟୀଙ୍କ ମୃତ୍ୟୁ ହୋଇଥିଲା । ଦିଲ୍ଲୀର ରାଜିନ୍ଦେର ନଗରର ଏକ କୋଚିଂ ସେଣ୍ଟରର ବନ୍ୟାଜଳରେ ବେସମେଣ୍ଟରେ ବୁଡ଼ି ଯାଇ ତିନିଜଣ ସିଭିଲ୍‌ ସର୍ଭିସ ଆଶାୟୀଙ୍କ ମୃତ୍ୟୁ ଘଟଣାରେ ଦିଲ୍ଲୀ ପୁଲିସ ଆଉ ୫ ଜଣଙ୍କୁ ଗିରଫ କରିଛି। ଗିରଫ ହୋଇଥିବା ଲୋକଙ୍କ ମଧ୍ୟରେ ବେସମେଣ୍ଟର ମାଲିକ ମଧ୍ୟ ଅଛନ୍ତି। ଏହି ମାମଲାରେ ପୁଲିସ୍‌ ଏବେ ସୁଦ୍ଧା ୭ ଜଣଙ୍କୁ ଗିରଫ କରି ସାରିଲାଣି। ମାଲିକଙ୍କ ସହିତ କୋଚିଂ ସେଣ୍ଟ୍‌ ସାମ୍ନାରେ କାର୍‌ ନେଇ ଯିବା ହେତୁ ଗେଟ୍‌ ଭିତରୁ ପ୍ରବଳ ପାଣି ପୂରାଇବା ପାଇଁ ଦାୟୀ ଥିବା ବ୍ୟକ୍ତି ଜଣଙ୍କୁ ମଧ୍ୟ ପୁଲିସ୍‌ ଗିରଫ କରିଛି। ରବିବାର ଦିନ ରାଉସ୍‌ ଆଇଏଏସ୍ ଷ୍ଟଡି ସର୍କଲର ମାଲିକ ତଥା ସଂଯୋଜକଙ୍କୁ ଗିରଫ କରାଯାଇଥିଲା। ଉଭୟ ହତ୍ୟା, ଅବହେଳା ଏବଂ ଅନ୍ୟାନ୍ୟ ଅଭିଯୋଗରେ ଦୋଷୀ ସାବ୍ୟସ୍ତ ହୋଇ ନ୍ୟାୟିକ ହେପାଜତରେ ଯାଇଛନ୍ତି। ଦିଲ୍ଲୀର ଏକ ଆଇଏଏସ୍‌ କୋଚିଂ ସେଣ୍ଟର୍‌ରେ ପାଣି ପଶି ୩ ଜଣଙ୍କର ମୃତ୍ୟୁ ହୋଇଥିବା ବେଳେ ତାହାକୁ ନେଇ ନୂଆ ନୂଆ ତଥ୍ୟ ହସ୍ତଗତ ହେବାରେ ଲାଗିଛି। ଏବେ ଜାଣିବାକୁ ମିଳିଛି ଯେ କୋଚିଂ ସେଣ୍ଟରରେ ବନ୍ୟା ହେତୁ ତିନି ଛାତ୍ରଙ୍କ ମୃତ୍ୟୁ ହେବାର ପ୍ରାୟ ଏକ ମାସ ପୂର୍ବରୁ କୋଚିଂ ସେଣ୍ଟରର ବେସମେଣ୍ଟକୁ ଲାଇବ୍ରେରି ଏବଂ ଅଧ୍ୟୟନ କେନ୍ଦ୍ର ଭାବରେ ବେଆଇନ ଭାବେ ବ୍ୟବହାର କରାଯାଉଥିବା ନେଇ ଦିଲ୍ଲୀ ମ୍ୟୁନିସିପାଲ କର୍ପୋରେସନ (ଏମସିଡି) ନିକଟରେ ଅଭିଯୋଗ ହୋଇଥିଲା।