ଭୁବନେଶ୍ୱର: ସାଇ ଇଣ୍ଟରନ୍ୟାସନାଲ ସ୍କୁଲରେ ଆରମ୍ଭ ହୋଇଛି ସାଇ ମଡେଲ ୟୁନାଇଟେଡ ନେସନ୍ ସାଇ ମୁନ-୨୦୨୩ । କାର୍ଯ୍ୟକ୍ରମକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜି ଓ ଆସନ୍ତାକାଲି ଦୁଇଦିନ ଧରି ଚାଲିବ କାର୍ଯ୍ୟକ୍ରମ । କାର୍ଯ୍ୟକ୍ରମରେ ଭାରତ ସମେତ ବିଶ୍ବର ୬ଟି ଦେଶର ୮ଶହରୁ ଅଧିକ ଅନ୍ତର୍ଜାତୀୟ ପ୍ରତିନିଧି ସାମିଲ ହୋଇଛନ୍ତି। ପ୍ରତିନିଧିମାନଙ୍କୁ ସମ୍ବୋଧନ କରି ପ୍ରଥେମ ଶୁଭେଚ୍ଛା ଜଣାଇବା ସହ ଏଭଳି କାର୍ଯ୍ୟକ୍ରମ ଆମକୁ ବିଶ୍ବ ଶାନ୍ତି, ସମନ୍ବୟ ଏବଂ ଅଭିବୃଦ୍ଧି ପାଇଁ ଏକ ସାଧାରଣ ଆଭିମୁଖ୍ୟ ଖୋଜିବାରେ ସାହାଯ୍ୟ କରିବ ବୋଲି କହିଛନ୍ତି ମୁଖ୍ୟମନ୍ତ୍ରୀ।
ଏହି ଅବସରରେ ସ୍କୁଲ ପରିସରରେ ବିଜୟ ଉନଡୋର ଷ୍ଟାଡିୟମ୍ କୁ ମୁଖ୍ୟମନ୍ତ୍ରୀ ଲୋକାର୍ପଣ କରିଥିଲେ। ଦୁଇଦିନ ଧରି ଚାଲିବାକୁ ଥିବା ଏହି ସମ୍ମିଳନୀରେ ଶ୍ରୀଲଙ୍କା, ଉଗାଣ୍ଡା, ସାଉଦି ଆରବିଆ, ସିରିଆ, ଭୁଟାନ, କେନିୟା, ଇଶ୍ୱାଟିନି, ଇଥୋପିଆ, ମାଲି ଓ ଭାରତ ସହ ସାରା ବିଶ୍ବରୁ ରାଉଣ୍ଡ ସ୍କୋୟାର ସ୍କୁଲ୍ ଛାତ୍ର ଛାତ୍ରୀଙ୍କ ସହ ଓଡ଼ିଶା ଆଦର୍ଶ ବିଦ୍ୟାଳୟ ଓ ଭୁବନେଶ୍ୱର ଶ୍ରୀହର୍ଷ ମୁକ୍ ବଧିର ସ୍କୁଲ୍ ର ଛାତ୍ରଛାତ୍ରୀମାନେ ଯୋଗ ଦେଇଛନ୍ତି।
