ସିନେମା ଷ୍ଟାଇଲ୍‌ରେ ଗହଣା ଲୁଟ୍‌, ୪ ଗିରଫ

ପାତ୍ରପୁର: ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ୍ ଜରଡା ଥାନା ଅନ୍ତର୍ଗତ ଗତ ଶନିବାର ପାତ୍ରପୁର ମୁଖ୍ୟ ବସ୍‌ଷ୍ଟାଣ୍ଡରେ ଥିବା ବାଣୀଶ୍ରୀ ଅଳଙ୍କାର ଦୋକାନରୁ ରୂପା କିଣିବାକୁ ସିନେମା ଷ୍ଟାଇଲ୍‌ରେ ଆସି ୩ଜଣ ମହିଳା ଏବଂ ଜଣେ ପୁରୁଷ ପ୍ରାୟ ୨କିଲୋ ପାଉଞ୍ଜି ଓ ମୁଦି ଚୋରି କରି ଫେରାର ହୋଇଯାଇଥିଲେ । ଏନେଇ ଜରଡା ଥାନାରେ ଉକ୍ତ ଦୋକାନୀ ମାଲିକ ଲିଖିତ ଅଭିଯୋଗ କରିବା ପରେ ପୁଲିସ୍ ପକ୍ଷରୁ ଏକ ମାମଲା ୧୨୬/୨୨ ରୁଜୁକରି ତଦନ୍ତ ଆରମ୍ଭ କରିଥିଲା । ସୋମବାର ବ୍ରହ୍ମପୁର ହରଡାଖଣ୍ଡି ଛକ ନିକଟରୁ ଏହି ୪ଜଣଙ୍କୁ ପୁଲିସ୍ ଧରିବାରେ ସଫଳ ହୋଇଥିଲା । ଅଭିଯୁକ୍ତମାନେ ହେଲେ କୋରା ଗୌଡ(୪୫), ଝୁନୁ ଦାସ(୩୫), ସୁଶୀଳା ଦାସ(୩୭) ଓ ଝୁମୁରୀ ଦାସ(୩୩) ପ୍ରମୁଖଙ୍କୁ ଗିରଫ କରିଥିବା ବେଳେ ସେମାନଙ୍କ ନିକଟରୁ ରୂପା ଏବଂ ଟଙ୍କା ଜବତ ହୋଇଥିବା ଜରଡା ପୁଲିସ୍ ପକ୍ଷରୁ ପ୍ରକାଶ । ସୋମବାର ସମସ୍ତଙ୍କୁ କୋର୍ଟଚାଲାଣ କରିଥିବା ନେଇ ଜରଡା ଥାନା ପକ୍ଷରୁ ସୂଚନା ଦିଆଯାଇଛି ।