ଭୁବନେଶ୍ୱର: କୋଭିଡ ନିୟମ ଉଲ୍ଲଂଘନ କରୁଥିବା ଅମାନିଆଙ୍କୁ ସାବାଡ୍ କରିବାକୁ ଗଠନ ହୋଇଛି ସ୍ୱତନ୍ତ୍ର ଟିମ୍ । ସିସିଟିଭି ଆଧାରରେ ଅମାନିଆଙ୍କ ଠାରୁ ଫାଇନ କାଟିବ ପୋଲିସ । ନିୟମ ଉଲ୍ଲଂଘନ ହେଉଥିଲେ ସିସିଟିଭି ଆଧାରରେ ପୋଲିସ ସେଠାରେ ପହଂଚିବ । ନୂଆ ନିୟମ ଅନୁସାରେ ପୋଲିସ ଫାଇନ କାଟିବ ବୋଲି ଭୁବନେଶ୍ୱର ଡିସିପି କହିଛନ୍ତି ।
ହୁ ହୁ ହୋଇ ସଂକ୍ରମଣ ବଢୁଥିଲେ ବି ଅମାନିଆଙ୍କୁ ଏହାର କିଛି ଫରକ ପଡୁନି । ବାରମ୍ବାର ସରକାର ଚେତାବନୀ ଦେଲା ପରେ ବି ସେମାନେ ନିୟମ ଉଲ୍ଲଂଘନ କରୁଛନ୍ତି । ଯେଉଁଥିପାଇଁ ସରକାର ବାଧ୍ୟ ହୋଇ କଠୋର ନିଷ୍ପତ୍ତି ନେଉଛନ୍ତି । କାରଣ ଏବେ ଦୈନିକ ହଜାର ହଜାର ସଂଖ୍ୟାରେ କରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । ଯାହା ସରକାରଙ୍କ ଚିନ୍ତାର କାରଣ । ଏବେଠୁ ସଂକ୍ରମଣକୁ ନିୟନ୍ତ୍ରଣ ନ କରିଲେ ଆଗକୁ ସ୍ଥିତି କଣ ହେବ ତାହା କେହି କହିପାରିବେ ନାହିଁ ।
