ନଦୀକୁ ଖସିଲା କାର୍‌: ୨ ମୃତ

ଉତ୍ତରପ୍ରଦେଶ: ଉତ୍ତରପ୍ରଦେଶର ମିରଟରେ ଭୟଙ୍କର ସଡ଼କ ଦୁର୍ଘଟଣା। ହିଣ୍ଡନ ନଦୀରେ ଏକ କାର ଖସି ପଡ଼ିବା ଫଳରେ ଜଣେ ହେଡ୍ କନେଷ୍ଟବଳଙ୍କ ସମେତ ଦୁଇଜଣଙ୍କର ମୃତ୍ୟୁ ଘଟିଛି ଏବଂ ଜଣେ କନେଷ୍ଟବଳଙ୍କ ସମେତ ଅନ୍ୟ ତିନି ଜଣ ଗୁରୁତର ଆହତ ହୋଇଛନ୍ତି। କାରଟି ଏକ ପୋଲ ସ୍ତମ୍ଭରେ ଧକ୍କା ଦେଇଥିଲା ଏବଂ ପରେ ନଦୀରେ ଖସି ପଡ଼ିଥିଲା। ସୂଚନା ଅନୁସାରେ, ମଙ୍ଗଳବାର ଭୋର ପ୍ରାୟ ୪ଟା ସମୟରେ ବଲାଇନି ରୋଡର ବଲାଇନି ସେତୁରେ ଏହି ଘଟଣା ଘଟିଛି। ବାଗପତ ଜିଲ୍ଲାର ସିଂହୱାଲି ଅହିର ପୋଲିସ ଷ୍ଟେସନରେ ନିଯୁକ୍ତ ହେଡ କନଷ୍ଟେବଳ ଏବଂ ବୁଲନ୍ଦସହରର ଗଙ୍ଗାହାରିର ବାସିନ୍ଦା ରାହୁଲ କୁମାର (୩୫) ଏବଂ ବାଗପତ ନିବାସୀ ଅଜରୁଦ୍ଦିନ (୩୨)ଙ୍କ ଦୁର୍ଘଟଣାରେ ମୃତ୍ୟୁ ଘଟିଛି। ଦୁର୍ଘଟଣାରେ କନଷ୍ଟେବଳ କୌଶଳ ଶର୍ମା ଏବଂ ଅନ୍ୟ ଦୁଇଜଣ ଗୁରୁତର ଆହତ ହୋଇଛନ୍ତି ଏବଂ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଦୁର୍ଘଟଣାର କାରଣ ଏପର୍ଯ୍ୟନ୍ତ ଜଣାପଡିନାହିଁ। ଦୁର୍ଘଟଣାର ଖବର ପାଇବା ପରେ ପରିବାର ସଦସ୍ୟଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା। ପୋଲିସ କହିଛି ଯେ ଆହତ ଗୁଡ୍ଡୁଙ୍କ ଚେତା ଫେରିବା ପରେ ସେ ପୋଲିସ ଏବଂ ପରିବାର ସଦସ୍ୟମାନଙ୍କୁ ଖବର ଦେଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି।